ထိုင်း-မြန်မာနယ်စပ်၊ မဲဆောက်သို့ ထိုင်းဒုဝန်ကြီးချုပ်နှင့်နိုင်ငံခြားရေးဝန်ကြီး ရောက်ရှိ ၊ ထိုင်းစစ်တပ်နှင့်အစိုးရ ထိပ်တန်းအရာရှိကြီးများ လိုက်ပါလာ
ရန်ကုန်၊ ဧပြီ ၁၂
ကရင်ပြည်နယ်၊ မြ၀တီမြို့ကို KNU ဦးဆောင်သော တော်လှန်ရေးတပ်များက တိုက်ခိုက်သိမ်းပိုက်ပြီးနောက် ထိုင်း-မြန်မာနယ်စပ်သို့ ထိုင်းဒုတိယဝန်ကြီးချုပ်နှင့်နိုင်ငံခြားရေးဝန်ကြီး Parnpree Bahiddha-Nukara ယခု ရောက် ရှိလာကြောင်း ထိုင်းသတင်းဌာန The Reporters က သတင်းဖော်ပြသည်။
ထိုင်းဒုတိယဝန်ကြီးချုပ်နှင့်နိုင်ငံခြားရေးဝန်ကြီး Parnpree Bahiddha-Nukara သည် ထိုင်း-မြန်မာ ချစ်ကြည်ရေးတံတား အမှတ် ၁ နှင့် အမှတ် ၂ ကိုလည်းကောင်း လာရောက် ကြည့်ရှုစစ်ဆေးမည်ဖြစ်ပြီး သတင်းမီဒီယာများနှင့် လည်းတွေ့ဆုံ၍ သတင်းစာရှင်းလင်းပွဲ လုပ်ရန် ရှိနေကြောင်း သိရှိရသည်။
ထိုင်းဒုဝန်ကြီးချုပ်နှင့်နိုင်ငံခြားရေးဝန်ကြီးသည် ထိုင်းစစ်တပ်၏ ရဟတ်ယာဉ်ဖြင့် မဲဆောက် အပြည်ပြည်ဆိုင်ရာ လေဆိပ်သို့ ဆိုက်ရောက်လာပြီး ထိုင်းစစ်တပ်မှ အရာရှိကြီးများ၊ ထိုင်းဒုနိုင်ငံခြားရေးဝန်ကြီးတို့ပါ ပါဝင်လာကြောင်း၊ ထိုင်းနိုင်ငံ အမျိုးသားလုံခြုံရေးကောင်စီ ၏ အတွင်းရေးမှူးလည်း ပါဝင်လာကြောင်း ၊ ထိုင်းအာဏာပိုင်များနှင့် အေဂျင်စီများက လက်ရှိကြုံတွေ့နေရသည့် အခြေအနေများကိုလည်း ဝန်ကြီးနှင့်အဖွဲ့က လေ့လာ နားထောင်မည်ဖြစ်ကြောင်း သိရှိရသည်။
![](https://yktnews.com/wp-content/uploads/2024/04/437762946_785731700321105_7780247461251790472_n.jpg)
![](https://yktnews.com/wp-content/uploads/2024/04/437850304_785731640321111_7003116334114094491_n.jpg)
![](https://yktnews.com/wp-content/uploads/2024/04/437931600_785731750321100_4111993040046593664_n.jpg)