ကရင်နီပြည်နယ် ဖားဆောင်းဒေသမှ စစ်ရှောင်စခန်းသို့ စားနပ်ရိက္ခာများနှင့် KNDF B20 တပ်ရင်းသို့ ကွန်ပျူတာ၊ Star Link၊ ဖုန်းနှင့် စားနပ်ရိက္ခာများ KTJ Supporting Group ထောက်ပံ့
ရန်ကုန်၊ မေ ၁၅
ကရင်နီပြည်နယ် ဖားဆောင်းဒေသမှ စစ်ရှောင်စခန်းသို့ စားနပ်ရိက္ခာများ ပြည်ပရောက် မြန်မာနိုင်ငံသားများဖြင့် စုပေါင်းဖွဲ့စည်းထားသော KTJ Supporting Group က ထောက်ပံ့ကူညီပေးခဲ့ကြောင်း သိရှိရသည်။
ထို့ပြင် KNDF B20 တပ်ရင်းသို့ ကွန်ပျူတာ ၂ လုံး ၊ Star link ၁ လုံး၊ ဖုန်းအသစ် ၆လုံး ၊ ပြည်သူများ ကြော်လှော်ထားသော အကြော်အလှော်များအပြင် စားနပ်ရိက္ခာဖိုး ဘတ် ၂၀,၀၀၀ တိတိကိုလည်း ပေးအပ်ခဲ့ကြောင်း သိရှိရသည်။
KTJ Supporting Group သည် လွတ်လပ်သောထောက်ပို့အဖွဲ့အစည်းဖြစ်ပြီး မြေပြင်သို့ တိုက်ရိုက်ကွင်းဆင်းပြီး ကူညီနေသည့် အဖွဲ့ဖြစ်ကြောင်း၊ ပါဝင်ပူးပေါင်းလိုသည့် တော်လှန်ပြည်သူများကိုလည်း ထောက်ပို့တပ်သားအဖြစ် လက်ခံကြိုဆိုလျက်ရှိကြောင်း KTJ Supporting Group က ထုတ်ပြန်ထားသည်။
