ကောလင်းမြို့နယ်တွင် ရှေ့ပြေးကင်း ထွက်လာသော စစ်သားများကို ပစ်ခတ် တိုက်ခိုက်မှု ၁ ဦး သေဆုံးပြီး သေနတ် ၁ လက် သိမ်းဆည်းရရှိ
ရန်ကုန်၊ မေ ၂၄
စစ်ကိုင်းတိုင်း၊ ကောလင်းမြို့နယ်တွင် ရှေ့ပြေးကင်း ထွက်လာသော အကြမ်းဖက် စစ်သားများကို ပစ်ခတ် တိုက်ခိုက်ရာ ၁ ဦး သေဆုံးပြီး သေနတ် ၁ လက် သိမ်းဆည်းရရှိခဲ့ကြောင်း ကောလင်းခရိုင် တပ်ရင်း ၂ ထံမှ သိရသည်။
မေလ ၂၂ ရက်နေ့တွင် ကောလင်းမြို့ အနောက်ဘက် ၁ မိုင်ကျော်ခန့် အကွာရှိ ကြာအင်းကျေးရွာနှင့် ရွာဟောင်းကျေးရွာ အနီး တောစပ် တစ်နေရာကို ရှေ့ပြေးကင်း အဖြစ် ထွက်လာသော အကြမ်းဖက် စစ်ကောင်စီ တပ်သား ၅ ဦးကို ကောလင်းခရိုင် တပ်ရင်း ၂ ရဲဘော်များက ပစ်ခတ် တိုက်ခိုက်ခဲ့ကြောင်း သိရသည်။
အဆိုပါ တိုက်ခိုက်မှုအတွင်း အကြမ်းဖက် စစ်ကောင်စီ တပ်သား ၁ ဦးသေဆုံးကာ သေနတ် ၁ လက် သိမ်းဆည်းရရှိပြီး တော်လှန်ရေး တပ်ဖွဲ့များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်
