ဂန့်ဂေါမြို့နယ်၊ မြောက်ခင်ရန်းရွာရှိ ပျူစောထီးများကို ရော့ကတ်များဖြင့် ပစ်ခတ် တိုက်ခိုက်

ဂန့်ဂေါမြို့နယ်၊ မြောက်ခင်ရန်းရွာရှိ ပျူစောထီးများကို ရော့ကတ်များဖြင့် ပစ်ခတ် တိုက်ခိုက်

ရန်ကုန်၊ မေ ၂၈

မကွေးတိုင်း၊ ဂန့်ဂေါမြို့နယ်၊ မြောက်ခင်ရန်းရွာရှိ ပျူစောထီးများကို ရော့ကတ်များဖြင့် ပစ်ခတ် တိုက်ခိုက်ခဲ့ကြောင်း ဂန့်ဂေါခရိုင်အမှတ် ၁ တပ်ရင်းမှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

မေလ ၂၆ ရက်နေ့တွင် မြောက်ခင်ရန်းရွာရှိ ပျူစောထီးများကို ဂန့်ဂေါခရိုင် ပကဖနှင့် ဂန့်ဂေါ ခရိုင် တပ်ရင်းများ ပူးပေါင်း၍ ရော့ကတ် ဒုံးကျည် ၂၈ လုံးဖြင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။

“အထိအခိုက် အခြေအနေတော့ မသိရသေးပါဘူး။ ပျူရွာထဲကိုတော့ အကုန်နီးပါး ကျရောက် ပေါက်ကွဲခဲ့ပါတယ်” ဟု ဂန့်ဂေါခရိုင်အမှတ် ၁ တပ်ရင်းမှ တာဝန်ရှိသူ တစ်ဦးက ပြောဆိုသည်။

အဆိုပါ ရော့ကတ် ဒုံးကျည်များကို ဂန့်ဂေါ ခရိုင် ထုတ်လုပ်ရေး အဖွဲ့များက ထုတ်လုပ်ထားခြင်းဖြစ်ပြီး တော်လှန်ရေး အဖွဲ့များ ကိုယ်ပိုင် လက်နက် ထုတ်လုပ်ရေးများကို စနစ်တကျ လုပ်ဆောင်လာနိုင်ပြီ ဖြစ်ကာ ဒုံးကျည်တွေထိ ထုတ်လုပ်နိုင်လာပြီ ဖြစ်ကြောင်း ဂန့်ဂေါခရိုင်အမှတ် ၁ တပ်ရင်းမှ တာဝန်ရှိသူ တစ်ဦးက ဆက်လက်ပြောဆိုသည်။