သပိတ်ကော်မတီ ၁၀ ဖွဲ့ပေါင်း၍ မြန်မာနိုင်ငံ၏ နေရာဒေသအသီးသီးတွင် စစ်မှုထမ်းဥပဒေဆန့်ကျင်ရေး ပူးပေါင်းလှုပ်ရှားမှု ပြုလုပ်
ရန်ကုန်၊ ဇွန် ၈
မြန်မာနိုင်ငံတွင်း နေရာဒေသအသီးသီးတွင် စစ်မှုထမ်းဥပဒေဆန့်ကျင်ရေးနှင့် စစ်အာဏာရှင်စနစ်အမြစ်ဖြတ်ရေးအတွက် လူထုလှုပ်ရှားမှုသပိတ်ကော်မတီအဖွဲ့အစည်း ၁၀ ဖွဲ့က နေရာဒေသအသီးသီးတွင် “ငါတို့ဘာလုပ်ကြမလဲ” ပိုစတာလှုပ်ရှားမှုနှင့် စစ်မှုထမ်းဥပဒေဆန့်ကျင်ရေး လက်ကမ်းစာစောင်များဖြန့်ဝေခြင်းတို့ ပြုလုပ်ခဲ့ကြကြောင်း သိရှိရသည်။
အဆိုပါ လှုပ်ရှားမှုကို မင်္ဂလာတောင်ညွန့်မြို့နယ်လုံးဆိုင်ရာအထွေထွေသပိတ်ကော်မတီ၊ ၅/ဆလက လူထုသပိတ်စစ်ကြောင်းဖော်ဆောင်ရေးကွန်ရက်၊ ကြည့်မြင်တိုင်လူငယ်များသပိတ်ကော်မတီ၊ ဒီမိုကရေစီအရေးလှုပ်ရှားမှုသပိတ်ကော်မတီ (ထားဝယ်ခရိုင်)၊ ယင်းမာပင်မြောက်ခြမ်းသပိတ်အင်အားစု၊ စမ်းချောင်းပင်မသပိတ်စစ်ကြောင်း၊ တာမွေမြို့နယ်သပိတ်ကော်မတီ၊ ရွှေပြည်သာမြို့နယ်သပိတ်ကော်မတီ၊ မျိုးဆက်သစ်လူငယ်များသပိတ်ကော်မတီနှင့် သာကေတမြို့နယ်လူငယ်များသပိတ်ကော်မတီတို့ ပူးပေါင်းလှုပ်ရှားခဲ့ကြကြောင်း သိရှိရသည်။
