ရန်ကုန်တိုင်းစစ်ဌာန၊ တပ်ရင်း ၅၁၀၂ ထံ အလင်းဝင်လာသည့် စစ်ကောင်စီ တပ်သား ၂ ဦးကို ဂုဏ်ပြု ဆုငွေ ချီးမြှင့်
ရန်ကုန်၊ ဩဂုတ် ၁၆
ပြည်သူ့ကာကွယ်ရေး တပ်မတော်၊ ရန်ကုန်တိုင်းစစ်ဌာန၊ တပ်ရင်း ၅၁၀၂ ထံ အလင်းဝင်လာသည့် စစ်ကောင်စီ တပ်သား ၂ ဦးကို ဂုဏ်ပြု ဆုငွေ ချီးမြှင့်ခဲ့ကြောင်း ယနေ့ ဩဂုတ်လ ၁၆ ရက်နေ့တွင် ရန်ကုန်တိုင်း စစ်ဌာနက ထုတ်ပြန်ထားသည်။
အလင်းဝင်လာသော စစ်ကောင်စီ တပ်သား ၂ ဦးဖြစ်သည့် တပ်မ ၄၄ လက်အောက်ခံ ခမရ ၂ မှ တပ်သား ဝေလင်းထက်နှင့် ခလရ ၁၂ (တပ်ရင်း ၃၅၆) မှ တပ်သား ခွန်ကျော်ဦး တို့ဖြစ်ပြီး လုပ်ထုံးလုပ်နည်းများနှင့် အညီ စိစစ် လက်ခံပြီး ဂုဏ်ပြုဆုငွေ ချီးမြှင့်ခဲ့ခြင်းဖြစ်ကြောင်း သိရသည်။
လက်နက်ချပြီး ပြည်သူနှင့် ပူးပေါင်းလိုသော စစ်ကောင်စီ တပ်သားများကို ရန်ကုန်တိုင်းစစ်ဌာနမှ လက်ခံကြိုဆိုလျက်ရှိပြီး လူ့အခွင့်အရေးအပြည့်အဝရရှိစေကာ လက်နက်ဖြင့် အလင်းဝင်လာသူများကို ဆုငွေများ ချီးမြှင့်ပေးသွားမည်ဖြစ်ကြောင်း ရန်ကုန်တိုင်းစစ်ဌာနက ပြောဆိုသည်။
