ကနီမြို့နယ်၊ တာဝါတိုင်စခန်းရှိ စစ်ကောင်စီ တပ်သား အချင်းချင်း လက်နက်ကြီး၊ လက်နက်ငယ်များဖြင့် ပစ်ခတ်မှု ဖြစ်ပွား
ရန်ကုန်၊ စက်တင်ဘာ ၂၀
စစ်ကိုင်းတိုင်း၊ ကနီမြို့နယ်၊ တာဝါတိုင်စခန်းရှိ အကြမ်းဖက် စစ်ကောင်စီ တပ်သား အချင်းချင်း လက်နက်ကြီး၊ လက်နက်ငယ်များဖြင့် ပစ်ခတ်မှု ဖြစ်ပွားခဲ့ကြောင်း ကနီမြို့နယ် ပြည်သူ့အုပ်ချုပ်ရေးအဖွဲ့က ပြောဆိုသည်။
စက်တင်ဘာလ ၂၀ ရက်နေ့ နံနက် ၈ နာရီခန့် တွင် ကနီမြို့နယ်၊ မုံရွာ-ယာကြီး-ကလေးဝ လမ်းပိုင်း ၄၈ မိုင်ရှိ အကြမ်းဖက် စစ်တပ်၏ အထိုင်စခန်းဖြစ်သော တာဝါတိုင်စခန်းကုန်းမှ စစ်ကောင်စီ တပ်သား အချင်းချင်း လက်နက်ကြီး၊ လက်နက်ငယ်များဖြင့် ပစ်ခတ်မှု ဖြစ်ပွားခဲ့ကြောင်း သိရသည်။
အဆိုပါ ပစ်ခတ်မှု အတွင်း စစ်ကောင်စီ တပ်သားများ ထိခိုက်သေဆုံးမှုရှိမရှိကို အတည်မပြုနိုင်သေးဘဲ လက်နက်ကြီး၊ လက်နက်ငယ် ပစ်ခတ်သံများ ဆူညံစွာ ထွက်ပေါ်ခဲ့ကြောင်း သိရှိရသည်။
