တရုတ်အစိုးရ၏ စစ်ကောင်စီကို ထောက်ပံနေခြင်း ချက်ချင်းရပ်ရန်နှင့် မြန်မာပြည်သူများ၏ လူ့အခွင့်အရေးကို လေးစားရန် တောင်းဆိုသည့် ကမ်ပိန်းပြုလုပ်
ရန်ကုန်၊ စက်တင်ဘာ ၂၉
တရုတ်အစိုးရ၏ မြန်မာနိုင်ငံအပေါ် လွှမ်းမိုးခြယ်လှယ်နေခြင်းကို ကန့်ကွက်သည့်အနေနှင့် ပြည်သူ့သပိတ်အင်အားစုက တရုတ်အစိုးရ၏ အကြမ်းဖက် စစ်ကောင်စီကို ထောက်ပံနေခြင်း ချက်ချင်းရပ်ရန်နှင့် မြန်မာပြည်သူများ၏ လူ့အခွင့်အရေးကို လေးစားရန်တောင်းဆိုသည့် ကမ်ပိန်းပြုလုပ်ခဲ့ကြောင်း သိရှိရသည်။
ထို့အတူ တခြားသောနိုင်ငံကြီးအချို့လည်း မြန်မာ၏သယံဇာတများ ရယူလိုမှုများအတွက် အကြမ်းဖက်စစ်ကောင်စီကို ထောက်ပံနေမှုများကိုလည်း ရပ်တန့်ရန်နှင့် မကြာမီ ပြုလုပ်တော့မည့် Credential Committee meeting တွင် အကြမ်းဖက် စစ်ကောင်စီ၏ ကိုယ်စားလှယ် ခန့်အပ်ခံရရန်အတွက် အဆိုပါအဖွဲ့ဝင်နိုင်ငံများကို လွှမ်းမိုးခြယ်လှယ်ခြင်းမပြုလုပ်ရန် တရုတ်အစိုးရကို တောင်းဆိုကြောင်း သိရှိရသည်။
