တောင်ပိုင်းစစ်ဒေသ စစ်ဒေသခွဲ အမှတ် ၃ ဗျူဟာ ၃၃ နယ်မြေတွင် စနိုက်ပါသင်တန်းဆင်းပွဲကို ကျင်းပပြုလုပ်
ရန်ကုန်၊အောက်တိုဘာ ၁၈
တောင်ပိုင်းစစ်ဒေသ စစ်ဒေသခွဲ အမှတ် ၃ ဗျူဟာ ၃၃ နယ်မြေတွင် လေ့ကျင့်သင်ယူခဲ့သော စနိုက်ပါသင်တန်းကို အောက်တိုဘာလ ၁၆ ရက်နေ့တွင် ဒေါနတပ်ရင်းက ဦးစီး၍ သင်တန်းဆင်းပွဲကျင်းပခဲ့ကြောင်း သိရှိရသည်။
အဆိုပါ သင်တန်းဆင်းပွဲကို ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၊ စစ်ဒေသခွဲ အမှတ် ၃၊ ဗျူဟာ ၃၃ စစ်ဆင်ရေးမှူး စောဒါးကို၊ ဒေါနတပ်ရင်းမှူး၊ ဒေါနတပ်ရင်း စစ်ကြောင်း ၁ စစ်ကြောင်းမှူး၊ မွန်ပြည်ဖက်ဒရယ်ကောင်စီ(MSFC) အုပ်ချုပ်ရေးကော်မတီဥက္ကဌနှင့်တာဝန်ရှိသူများ၊ မွန်ပြည်တော်လှန်ရေးတပ်(MSRF)တာဝန်ရှိသူများ တက်ရောက်ခဲ့ကြကြောင်းသိရှိရသည်။
