ဖားကန့်မြို့နယ်၊ ဆယ်ဇင်းရှိ အင်အား ၄၀၀ ဝန်းကျင်ရှိသော စစ်ကောင်စီနှင့်SNA ပူးပေါင်း စခန်း၊ ပန်ချယ်စခန်းတို့ကို KIA ပူးပေါင်းတပ်များက တိုက်ခိုက် သိမ်းပိုက်ရရှိ

ဖားကန့်မြို့နယ်၊ ဆယ်ဇင်းရှိ အင်အား ၄၀၀ ဝန်းကျင်ရှိသော စစ်ကောင်စီနှင့်SNA ပူးပေါင်း စခန်း၊ ပန်ချယ်စခန်းတို့ကို KIA ပူးပေါင်းတပ်များက တိုက်ခိုက် သိမ်းပိုက်ရရှိ

ရန်ကုန်၊ နိုဝင်ဘာလ ၄

ဖားကန့်မြို့နယ်၊ ဆယ်ဇင်းရှိ အင်အား ၄၀၀ ဝန်းကျင်ရှိသော စစ်ကောင်စီနှင့်SNA ပူးပေါင်း စခန်း၊ ပန်ချယ်စခန်းတို့ကို KIA ပူးပေါင်းတပ်များက သိမ်းပိုက်ရရှိကြောင်း KIA သတင်းရင်းမြစ်က ပြောဆိုသည်။

နိုဝင်ဘာလ ၂ ရက်နေ့ ညနေ ၅ နာရီအချိန် ကချင်ပြည်နယ်၊ ဖားကန့်မြို့နယ်၊ ဆယ်ဇင်းဒေသ (စစ်ကိုင်းတိုင်းအခြမ်း) တွင် စစ်အင်အား ၄၀၀ ဖြင့် ဖြန့်ခွဲထားသော ရှစ်မျက်နှာ ဘုရားကုန်စခန်းကိုလည်းကောင်း၊ နိုဝင်ဘာလ ၃ ရက်နေ့ နံနက် ၇ နာရီအချိန် ပန်ချယ်စခန်းကိုလည်းကောင်း တိုက်ခိုက်သိမ်းပိုက်ရရှိခဲ့ကြောင်း သိရှိရသည်။

“ဆယ်ဇင်း စခန်းနဲ့ ပန်ချယ်စခန်းတွေ သိမ်းဆည်းရမိတာ အတည်ပြုပါတယ်။ စစ်တပ်ဘက်က သေဆုံးထိခိုက်စာရင်း မရရှိသေးပါဘူး” ဟု KIA သတင်းရင်းမြစ်က ပြောဆိုသည်။

လက်ရှိတွင် ဆယ်ဇင်းဒေသတွင် စစ်ကောင်စီနှင့် SNA ပူးပေါင်း စခန်း ၂ ခု ဆက်လက်ကျန်ရှိနေသေးသဖြင့် ဆက်လက်တိုက်ခိုက်နေဆဲဖြစ်ကြောင်း သိရှိရသည်။

KIA နှင့်ပူးပေါင်းတပ်များက အင်းတော်နှင့် မိုးမောက်မြို့နယ်တို့တွင်လည်း စစ်ကောင်စီတပ်၏ စခန်းများကို တိုက်ခိုက်လျက်ရှိကြောင်း KIA သတင်းရင်းမြစ်ထံမှ သိရှိရသည်။