ရန်ကုန်၊ နိုဝင်ဘာ ၁၄
ပဲခူးတိုင်း၊ ပေါက်ခေါင်းမြို့နယ်၊ ဒွကျေးရွာအုပ်ချုပ်ရေးမှူးသန်းအောင်ကို ပစ်ခတ်ရှင်းလင်းခဲ့ရာ နေရာတွင်ပင်ပွဲချင်းပြီး သေဆုံးသွားကြောင်း ပြည်ခရိုင် ပြည်သူ့ကာကွယ်ရေးတပ်မတော်၊ ၃၆၀၁ PPDFတပ်ရင်း စစ်ထောက်လှမ်းရေးနှင့် သတင်း ပြန်ကြားတာဝန်ခံက ရန်ကုန်ခေတ်သစ်သတင်းဌာနထံသို့ ပြောကြားသည်။
နိုဝင်ဘာလ ၁၃ ရက်နေ့ မွန်းလွဲ ၁ နာရီခွဲခန့်အချိန် ပေါက်ခေါင်းမြို့နယ်၊ ကင်မွန်းခြုံအုပ်စု၊ ဒွကျေးရွာနေ အုပ်ချုပ်ရေးမှူးသန်းအောင်ကို ပြည်ခရိုင်ပြည်သူ့ကာကွယ်ရေးတပ်မတော် ၃၆၀၁ PPDF တပ်ရင်း တပ်ခွဲ ၃ က ဦးဆောင်ပြီး ပေါက်ခေါင်းမြို့နယ် – ပကဖ တပ်ဖွဲ့ဝင်များက ၎င်း၏ နေအိမ်သို့ သွား ရောက် ပစ်ခတ်ရှင်းလင်းရာ ဦးခေါင်းနှင့် ဝမ်းဗိုက်ထိမှန်ပြီး နေရာတွင်ပင် ပွဲချင်းပြီး သေဆုံးသွား ကြောင်း သိရသည်။
ပစ်ခတ်ရှင်းလင်းခံရသူ အုပ်ချုပ်ရေးမှူးသန်းအောင်သည် အကြမ်းဖပ်စစ်ကောင်စီအတွက် စစ်မှု ထမ်း စုဆောင်းခြင်းနှင့် ပေါ်တာဆွဲရာတွင် အားတက်သရောလုပ်ဆောင်ပေးခြင်း၊ စစ်မှုမထမ်းလိုလျှင် လူစားထိုး ထည့်ရမည်ဟု ဆိုကာ ကျေးရွာအုပ်စုအတွင်း တစ်အိမ်ထောင်လျှင် ငွေကျပ် ၃ သောင်းမှ ၅ သောင်း အထိကောက်ခံ၍ စစ်ကောင်စီအတွက် ငွေကြေးထောက်ပံ့ခြင်း၊ တော်လှန်ရေးထောက်ပို့ရဲဘော်များ ၏ သတင်းကို လိုက်လံစုံစမ်း၍ စစ်ကောင်စီထံသတင်းပေးပို့နေခြင်း တို့ကြောင့် ယခုကဲ့သို့ ပြတ် သားစွာ အရေးယူရှင်းလင်းလိုက်ရခြင်းဖြစ်သည်ဟု ဆိုသည်။
ပြည်သူ့ကာကွယ်ရေးတပ်ဖွဲ့ဝင်များအနေဖြင့် စစ်ရေးအရှိန်မြှင့်တင်လာသည်နှင့်အမျှ အခါအခွင့်သင့် လျှင် သင့်သလို အကြမ်းဖက်စစ်ကောင် စီ ဒေါက်တိုင်များ ဖြစ်ကြသောရပ်/ကျေး ထွေအုပ်စာရေးများ၊ အုပ်ချုပ်ရေးမှူးများနှင့်စစ်တပ် ဒေါက်တိုင်များကို ပြတ်သားစွာအရေး ယူ ဆောင် ရွက်သွားမည်ဖြစ် ကြောင်း၊ ပြည်သူများ အနေဖြင့်လည်း အကြမ်းဖက်စစ်သားများ၊ ရဲ၊ ထောက်တိုင်များရှိရာ နေရာ များသို့ သွား ရောက်နေထိုင်ခြင်းမပြုလုပ်ကြရန် အသိပေးထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
