Khit Thit သတင်းဌာန၏ နိုဝင်ဘာ ၁၅ ရက် နေ့လယ်ပိုင်း ရုပ်သံသတင်းအစီအစဉ်
ဒီကနေ့ နိုဝင်ဘာ ၁၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-NLD အစိုးရလက်ထက်က ဟိုတယ်နှင့်ခရီးသွားဝန်ကြီး ဦးအုန်းမောင် နဲ့ သမီးဖြစ်သူ ဒေါ် ယာဉ်မျိုးစု ဆိုသူတို့ပိုင်ဆိုင်တဲ့ Inle Princess Resort ဟိုတယ်ဟာ မနေ့က ညပိုင်းမှာပဲ မီးလောင်ပြာကျသွား တယ်လို့ ဒေသခံသတင်းရင်းမြစ်က ပြောပါတယ်။
ရှမ်းပြည်နယ်တောင်ပိုင်း ၊ ရွာငံမြို့အဝင်က အကြမ်းဖက် စစ်ကောင်စီတပ် နဲ့ အဖွဲ့စုံရှိတဲ့ စစ်ရေးဂိတ် အပြင် ၊ မူးယစ်ရဲစခန်း နဲ့ မြန်မာ့စီးပွားရေးဘဏ်လုံခြုံရေးတပ်တွေကိုပါ တော်လှန်ရေးပူးပေါင်း တပ်တွေက တစ်ပြိုင်နက်တည်း ဝင်ရောက်ပစ်ခတ်တိုက်ခိုက်မှုအတွင်း စစ်ကောင်စီဘက် ရဲအရာရှိ အကြီးအပိုင်း ၁ ဦးအပါအဝင် ရဲ ၆ ဦးကတော့ အသီးသီး သေကုန်ကြပြီလို့ ဒေသခံ သတင်းရင်းမြစ်က ရန်ကုန်ခေတ်သစ်ကို ပြောပါတယ်။
စစ်ကိုင်းတိုင်း ၊ မင်းကွန်းဒေသက မြသိန်းတန်စေတီမှာ တပ်စွဲထားတဲ့ အကြမ်းဖက် စစ်ကောင်စီ တပ်သားတွေကို တော်လှန်ရေးပူးပေါင်းတပ်တွေက တိုက်ခိုက်ခြေမှုန်းမှုအတွင်း စစ်ကောင်စီတပ်ဖွဲ့ဝင် ၅ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
