Khit Thit သတင်းဌာန၏ ဇန်နဝါရီ ၄ ရက်မနက်ပိုင်း ရုပ်သံသတင်းအစီအစဉ်
ဒီကနေ့ ဇန်နဝါရီ ၄ ရက် မနက်ပိုင်း တင်ဆက်ပေးမယ့် သတင်းတွေကတော့
-စစ်အာဏာရှင်ကို တိုက်ဖျက်ချေမှုန်းနေတဲ့တော်လှန်ရေးမှာ ကိုယ်ကျိုးစီးပွားရှာပြီး ပြည်သူကို မျက်နှာမမူတဲ့ လုပ်ရပ်ပြုလုပ်သူတွေနဲ့ ဥပဒေချိုးဖောက်သူတွေကို ထိထိရောက်ရောက်ကိုင်တွယ်ဆောင်ရွက်ဖို့ အချိန်တန်ပြီလို့ အမျိုးသားညီညွတ်ရေးအစိုးရ-NUG ဝန်ကြီးချုပ် မန်းဝင်းခိုင်သန်းက ပြောဆိုလိုက်ပါတယ်။
မန္တလေးမြို့ပေါ်က မြို့နယ် ၇ မြို့နယ်မှာ ဒီဇင်ဘာလအတွင်း စစ်မှုထမ်းစစ်သားအဖြစ် ၄၀၀ နီးပါး ဖမ်း ဆီးခံရပြီး လူငယ်တွေ လူ့အခွင့်အရေးချိုးဖောက်ခံရမှုအပေါ် NUG အစိုးရနဲ့ နိုင်ငံတကာအသိုင်းအဝန်းက ထိရောက်စွာ အရေးယူပေးဖို့ မန္တလေးသပိတ်အင်အားစုက တိုက်တွန်းလိုက်ပါတယ်။
မန္တလေးတိုင်း၊ မလှိုင်မြို့နယ်၊ သုံးတောင်ရွာနဲ့ သရက်ကောင်းပင်ရွာမှာ တပ်စွဲထားတဲ့ အကြမ်းဖက် စစ်တပ်ကို ဝင်ရောက်တိုက်ခိုက်ခဲ့ရာ စစ်ကောင်စီတပ်သား ၆ ဦး သေဆုံးပြီး ၁ ဦးကို အရှင်ဖမ်းမိကာ သေနတ် ၃ လက် သိမ်းဆည်းရရှိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
