ရန်ကုန်၊ ဇန်နဝါရီ ၂၇
ကချင်ပြည်နယ်၊ ဗန်းမော်မြို့နယ်၊ ဗန်းမော်လေယာဉ်ကွင်းနှင့် လေဆိပ်တစ်ခုလုံးကို KIA ဦး ဆောင်သော တော်လှန်ရေးတပ်များက အပြီးသတ် တိုက်ခိုက်သိမ်းပိုက်ပြီး လက်နက်ခဲယမ်း အများအပြားရရှိကြောင်း KIA ရှေ့တန်းသတင်းရင်းမြစ်က ပြော ဆိုသည်။
ယမန်နေ့ ဇန်နဝါရီ ၂၆ ရက်နေ့ ညနေပိုင်းတွင် ဗန်းမော်လေယာဉ်ကွင်းနှင့် လေဆိပ်တစ်ခုလုံးကို အပြီးသတ် တိုက်ခိုက်သိမ်း ပိုက်နိုင်ခဲ့ကြောင်း၊ ယမန်နေ့ နံနက်ပိုင်းမှစတင်၍ ဗန်းမော်လေဆိပ်အတွင်းသို့ ထိုးဖောက်ဝင်ရောက်ခဲ့ပြီး ညနေပိုင်းတွင် အပြီး သတ်တိုက်ခိုက်သိမ်းပိုက်နိုင်ခဲ့ခြင်းဖြစ်ကြောင်း သိရှိရသည်။
“ဗန်းမော်လေယာဉ်ကွင်း Sold out သွားပြီ။ လေယာဉ်ကွင်းနှင့်လေဆိပ်အကုန်လုံးရတာပါ။ လက်နက်ခဲယမ်းတွေလည်း အများကြီးရပါတယ်။ စာရင်းအတိအကျတော့ မသိရသေးပါဘူး” ဟု KIA ရှေ့တန်းသတင်းရင်းမြစ်က ရှင်းလင်းပြောဆိုသည်။
ဇန်နဝါရီလ ၂၅ ရက်နေ့ ဗန်းမော်မြို့နယ်၊ အမတ ၃၆၆ နှင့် ၇၀၀၆ သံချပ်ကာတပ်ရင်းတို့ကို အပြီးသတ် တိုက်ခိုက်သိမ်း ပိုက်ရရှိထားသည့်အပြင် သံချပ်ကာတင့်ကား ၉ စီးကိုလည်း ရရှိခဲ့ကြောင်း သိရှိရသည်။
“ဗန်းမော်မှာက သတင်းကောင်းတွေချည်းပါပဲ။ အချိန်တန်ရင်တော့ သိရမှာပါ။ တချို့ဟာတွေက လုံခြုံရေးအရ လုပ်ရကိုင်ရတာတွေ ရှိနေပါသေးတယ်” ဟု PDF သတင်းရင်းမြစ်တစ်ခုက ရှင်းပြသည်။
ဗန်းမော်တိုက်ပွဲတွင် အကြမ်းဖက် စစ်ကောင်စီတပ်က လေကြောင်းတိုက်ခိုက်မှုများ၊ လက် နက်ကြီး ပစ်ခတ်မှုများကို အကြီး အကျယ် လုပ်ခဲ့ပြီး ဒရုန်းများပါ အသုံးပြုခုခံတိုက်ခိုက်ခဲ့ကြောင်း သိရှိရသည်။
ဗန်းမော်မြို့ကို ၂၀၂၄ ခုနှစ် ဒီဇင်ဘာလ ၄ ရက်နေ့မှစတင်၍ KIA ဦးဆောင်သော တော်လှန် ရေး တပ်များက ထိုးစစ်ဆင်တိုက်ခိုက်နေခဲ့ခြင်းဖြစ်သည်။
ဓာတ်ပုံ – ဗန်းမော်လေဆိပ်ပုံအဟောင်းများဖြစ်ပါသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
