ဆန်ဖရန်စစ္စကိုမြို့မြို့တော်ခန်းမရှေ့တွင် ဗိုလ်ချုပ်အောင်ဆန်း၏ နှစ် ၁၁၀ ပြည့် မွေးနေ့အထိမ်းအမှတ်နှင့် မြေပြင်လူထုသပိတ်တိုက်ပွဲ ပြုလုပ်
အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆန်ဖရန်စစ္စကိုမြို့မြို့တော်ခန်းမရှေ့တွင် Free Burma Action Committee – Northern California က ဦးဆောင်၍ “ဗိုလ်ချုပ်မျှော်မှန်း ဖက်ဒရယ်လမ်းသို့”ခေါင်းစဉ်နှင့် အတူ ဗိုလ်ချုပ်အောင်ဆန်း၏ နှစ် ၁၁၀ ပြည့် မွေးနေ့အထိမ်းအမှတ် အပါအဝင် မြေပြင်လူထုသပိတ်တိုက်ပွဲကို ဖေဖော်ဝါရီလ ၁၅ ရက်နေ့တွင် လုပ်ဆောင်ခဲ့ကြောင်း သိရှိရသည်။
အဆိုပါ မြေပြင်လူထုသပိတ်တိုက်ပွဲလုပ်ဆောင်ခဲ့သည်မှာ (၁၅၀) ကြိမ်မြောက်ရှိပြီဖြစ်ပြီး နွေဦးတော်လှန်ရေး အင်အားစုများ၊ထောက်ပို့ပြည်သူများနှင့် ကျောင်းသားအင်အားစုများ စုစည်းညီညွတ်စွာဖြင့် အတူတကွ ပူးပေါင်းဆန္ဒထုတ်ဖော်ခဲ့ကြောင်း သိရှိရသည်။
