“ကျနော်တို့ ရောက်တဲ့အချိန်မှာ ရခိုင်မှာတိုက်ပွဲဖြစ်ပြီး အသိမ်းခံထားရတဲ့ အချိန် သင်တန်းက တပ်ကြပ် တွေက ငါတို့ဘက်ကလည်း လေယာဉ်နဲ့ ကျဲနေတယ် မင်းတို့ အားမငယ်နဲ့ တို့ဆီမှာ လက်နက်မျိုးစုံရှိတယ်၊ ငါတို့လောက် မကိုင်နိုင်ဘူး လူတွေအများကြီးရှိသေးတယ်။စစ်သားတိုင်း မသေဘူးဆိုပြီး ညတိုင်းလာ ပြောတယ်။”
ထွက်ပြေးလွတ်မြာက်လာသည့် CDM စစ်မှုထမ်း တပ်သားသစ်မောင်အောင်ဆက်ပိုင်နှင့်တွေ့ဆုံခြင်း
By ရန်ကုန်ခေတ်သစ်
ထိုင်းနိုင်ငံမှာမွေးဖွားပြီး ထိုင်းနိုင်ငံမှာပဲ ကြီးပြင်းနေထိုင်တဲ့ မောင်အောင်ဆက်ပိုင်ဟာ ထိုင်းနိုင်ငံ မဟာချိုင်မြို့မှာ ဆိုင်ကယ်စီးနေစဉ် စစ်ဆေးခံရပြီး နေထိုင်မှုအထောက်အထား ဗီဇာသက်တမ်း ကုန်နေတာကြောင့် ဖမ်းဆီးခံရ ကာ မြန်မာနိုင်ငံပြန်ပို့ခံရခဲ့ရပါတယ်။
သူက ထိုင်းနိုင်ငံအတွင်း နေထိုင်စဉ်မှာ နွေဦးတော်လှန်ရေး ထောက်ပို့တစ်ဦးအဖြစ်လည်း တော်လှန်ရေးကို ဝင်ရောက် ကူညီနေသူဖြစ်ပါတယ်။
မြန်မာနိုင်ငံ ကော့သောင်းမြို့ အရောက်မှာတော့ ဖမ်းဆီးခံရတဲ့ မောင်အောင်ဆက်ပိုင် နဲ့ အတူ အဖမ်းခံရပြီး မြန်မာနိုင်ငံပြန်ပို့ခံရတဲ့ ရွှေ့ပြောင်း အလုပ် သမား ၁၀၀ ကျော်ကို စစ်မှုထမ်းတပ်သားသစ်အဖြစ် အတင်းအကျပ် ပို့ဆောင်ခဲ့ရပါတယ်။
အဲဒီအခြေအနေတွေနဲ့ ပတ်သက်၍ စစ်မှုထမ်းအဖြစ်ကနေ ထွက်ပြေးလွတ် မြောက်လာတဲ့ မောင်အောင်ဆက်ပိုင်ကို ဆက်သွယ်မေးမြန်းထားပါတယ်။
