ကယ်လီဖိုးနီးယားပြည်နယ်၊ ဆန်ဖရန်စစ္စကိုမြို့မြို့တော်ခန်းမရှေ့တွင် “ငါတို့နိုင်မှ လွတ်မယ့်သူတွေအတွက် သံတိုင်အုတ်ရိုးကို လှုပ်နှိုးကြ” ခေါင်းစဉ်ဖြင့် ဆန္ဒထုတ်ဖော်
အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆန်ဖရန်စစ္စကိုမြို့မြို့တော်ခန်းမရှေ့တွင် Free Burma Action Committee – Northern California မှ ဦးဆောင်၍ “ငါတို့နိုင်မှ လွတ်မယ့်သူတွေအတွက် သံတိုင်အုတ်ရိုးကို လှုပ်နှိုးကြ” ခေါင်းစဉ်ဖြင့် ဆန္ဒထုတ်ဖော်ခဲ့ကြောင်း သိရှိရသည်။
အဆိုပါ ဆန္ဒပြပွဲကို ၁၅၁ ကြိမ်မြောက်အဖြစ် နွေဦးတော်လှန်ရေး အင်အားစုများ၊ထောက်ပို့ပြည်သူများမှ စုစည်းညီညွတ်စွာဖြင့် အတူတကွ ပူးပေါင်းလုပ်ဆောင်ခဲ့ခြင်း ဖြစ်ပြီး ဆရာနိုင်မြန်မာရေးစပ်သီကုံးခဲ့သော လှောင်ချိုင့်ထဲကတေးသီချင်းကို သံပြိုင်သီဆို၍ ဆရာနိုင်မြန်မာကို ရည်စူးပြီး ဦးညွတ်ဂါဝရ ပြုခဲ့ကြကြောင်း သိရှိရသည်။
