တော်လှန်ရေးအင်အားစုများအကြား အကွဲအပြဲများဖြင့် ရန်သူ ဝမ်းသာအောင် မလုပ်သင့်ဘဲ စုစည်းညီညွတ်ကြရန် NUG ယာယီသမ္မတ သတိပေးတိုက်တွန်း
တိုင်းရင်းသား လူမျိုးစုများ ညီညွတ်ရန်နှင့် တော်လှန်ရေးအင်အားစုများအကြား စုပေါင်းညီညွတ်ကြရန်၊ အကွဲအပြဲများဖြင့် ရန် သူ စစ်တပ် ဝမ်းသာအောင် မလုပ်သင့်ဘဲ စုစည်းညီညွတ်ကြရန် အမျိုးသားညီညွတ်ရေးအစိုးရ- NUG ယာယီသမ္မတဒူဝါလရှီးလက သတိပေးတိုက်တွန်းလိုက်သည်။
ယနေ့ ပြုလုပ်သည့် အမျိုးသားညီညွတ်ရေးအစိုးရ၏ ၈/၂၀၂၅ အစိုးရအဖွဲအစည်းအဝေးတွင် ၎င်းက အထက်ပါအတိုင်းပြောဆိုခြင်းဖြစ်သည်။
မြန်မာနိုင်ငံရေးသမိုင်းသည် အကွဲအပြဲ ဇတ်လမ်းများ ပြည့်နှက်နေပြီး စစ်အစိုးရအဆက်ဆက်ကလည်း သွေးခွဲသပ်လျှိုအုပ်ချုပ်သည့် နည်းလမ်းများကို လက်စွဲပြုထားကြောင်း၊ ထို့ကြောင့်အချင်းချင်းအကြား စုစည်းညီညွတ်ကြရန်လိုအပ်ပြီး အကွဲအပြဲများဖြင့် ရန်သူဝမ်းသာစေရန် မလုပ်သင့်ကြောင်း ယာယီသမ္မတက သတိပေးသည်။
“ကျွန်တော်တို နိုင်ငံရေးသမိုင်းကို လေ့လာကြည့်တယ်ဆိုရင် “အကွဲအပြဲဇာတ်လမ်း” တွေနဲ့ ပြည့်နှက်ခဲ့တာကိုလည်း တွေ့ရပါတယ်။ လွတ်လပ်ပြီးခေတ်နောက်ပိုင်းမှာလည်း အကွဲအပြဲ ဇာတ်လမ်းတွေကို တွေ့ရသလို၊ အုပ်စုဖွဲ ဂိုဏ်းဂဏ ကွဲပြားမှုတွေလည်း အင်မတန် များပြား ခဲ့ပါတယ်။ အခု နွေဦးတော်လှန်ရေးမှာ ကျွန်တော်တိုဟာ အတတ်နိုင်ဆုံး စုစည်းညီညွတ်မှုကို ထိန်းထားနိုင်မှ၊ စစ်အာဏာ ရှင်စနစ် အမြစ်ဖျက်ဖြုတ်ချနိုင်ရေးကို “ဆုံးခန်းတိုင်သည်အထိ လုပ်ဆောင်နိုင်မှာ” ဖြစ်ပါတယ်။ တစ်ဖက်မှာ လည်း စစ်အစိုးရခေတ်အဆက်ဆက်မှာ စစ်အစိုးရ ခေါင်းဆောင်တွေရဲ့ သွေးခွဲသပ်လျှိ အုပ်ချုပ်တဲ့ နည်းတွေကို လက်စွဲပြုပြီး လုပ်ဆောင်လာခဲ့တာကို ကျွန်တော်တို အားလုံး သတိချပ်သင့်တယ်လို ထင်ပါ တယ်။ စစ်အစိုးရအဆက်ဆက်ဟာ လူမျိုးစုညီညွတ်ရေးကိုလည်း မလိုလားသလို၊ တော်လှန်ရေး အင်အားစု တွေ အချင်းချင်းအကြား စုစည်းပေါင်းစည်းသွားမှာကိုလည်း မလိုလားပါဘူး။ ဒါ့ကြောင့် ကျွန်တော်တိုဟာ “ရန်သူ ဝမ်းသာအောင် မလုပ်သင့်ဘူး” လို့ ယူဆပါတယ်” ဟု ယာယီသမ္မတ က သတိပေးပြောဆိုသည်။
ထို့ပြင် ချင်းတိုင်းရင်းသားများဖြစ်ကြသည့် ချင်းပြည်ကောင်စီနှင့် ချင်းအမျိုးသားအတိုင်ပင်ခံကောင်စီတို့အကြား ဘုံပေါင်းစည်းမှု တစ်ရပ်လုပ်ဆောင်နိုင်ရန် ခြေလှမ်းပြင်နေမှုအပေါ် ဝမ်းသာကြောင်း၊ ဘုံရန်သူဖြစ်သည့် အကြမ်းဖက်စစ်ကောင်စီကို အမြစ်ပြတ် သုတ်သင်ချေမှုန်းရေးအတွက် အထူးပြု ရည်ရွယ်ရမည်ဖြစ်ကြောင်း၊ လူမျိုးစုအချင်းချင်းအကြား ညီညွတ်ရေးမှသည် တော်လှန်ရေးအင်အားစု အားလုံး ညီညွတ်ရေးသို ရှေ့ရှုကြရန် လိုအပ်ကြောင်း၊ ၊စစ်အာဏာရှင်တော်လှန်ရေးတွင် အဖွဲပေါင်းများစွာ ထွက်ပေါ်လာမှုက အင်အားတစ်ရပ် ဖြစ်သော်လည်း တော်လှန်ရေးအဖွဲ့များအားလုံးကို ဘုံညီညွတ်ရေးတည်ဆောက်နိုင်ပြီး တစ်စုတစ်စည်းတည်း စုဖွဲ့နိုင်ခြင်းက ပိုပြီး အားကောင်းမှုကို ဖြစ်စေမည်ဖြစ်ကြောင်း ၎င်းက ပြောဆိုသည်။
