ငလျင်ဒဏ်ခံစားရသည့် မြန်မာ ပြည်သူများအတွက် ဥရောပသမဂ္ဂ – EU ၊ အမေရိကန် ၊ နော်ဝေ နှင့် ယူကေနိုင်ငံတို့က ကူညီထောက်ပံ့ပေးသွားမည်ဖြစ်ပြီး ဘေးဒဏ်သင့်ဒေသများသို့ အပြည့်အဝ အတားအဆီးမရှိ ဝင်ရောက်နိုင်ရေး တောင်းဆို
ရန်ကုန်၊ မတ် ၃၀
ငလျင်ဒဏ်ခံစားရသည့် မြန်မာ ပြည်သူများအတွက် ဥရောပသမဂ္ဂ – EU ၊ အမေရိကန် ၊ နော် ဝေ နှင့် ယူကေနိုင်ငံတို့က ကူညီထောက်ပံ့ပေးသွားမည်ဖြစ်ပြီး ဘေးဒဏ်သင့်ဒေသများသို့ အပြည့် အဝ အတားအဆီးမရှိ ဝင်ရောက်နိုင်ရေး တောင်းဆိုထားသည်။
မတ်လ ၂၈ ရက်မွန်းတည့် ၁၂ နာရီ ၅၂ မိနစ်က လှုပ်ခတ်ခဲ့သည့် စစ်ကိုင်းငလျင်ဒဏ်ခံစားရသော မြန် မာပြည်သူများအတွက် ဥရောပသမဂ္ဂက ကနဦး အရေးပေါ်အကူအညီအဖြစ် ယူရို ၂.၅ သန်း ကူညီပံ့ ပိုးရန် ဆုံးဖြတ်လိုက်ကြောင်း၊ ယခုထောက်ပံ့လိုက်သော လူသားချင်းစာနာထောက်ထားမှု ဆိုင်ရာ ခွဲ ဝေချထားပေးမှုသည် မြန်မာနိုင်ငံရှိ အထိခိုက်လွယ်ဆုံးသူများ၏ အရေးပေါ်လိုအပ်ချက်များကို ဖြည့် ဆည်းပေးရန်နှင့် အသက်များကို ကယ်တင်ရန်အတွက် အထောက်အကူဖြစ်စေမည်ဖြစ်ကြောင်း အ သိပေးထားသည်။
ဥရောပသမဂ္ဂသည် နောက်ထပ်အကူအညီများ ပေးအပ်ပံ့ပိုးနိုင်ရန်အတွက် မြေပြင်အခြေအနေနှင့် လိုအပ်ချက်များကို အကဲဖြတ်လျက်ရှိပြီး ယခုခွဲဝေချထားပေးမှုသည် ၂၀၂၅ ခုနှစ်အတွင်း မြန်မာနိုင်ငံ အတွက် ထောက်ပံ့ထားသော ဥရောပသမဂ္ဂ၏ လူသားချင်းစာနာထောက်ထားမှုဆိုင်ရာ အကူအညီ စုစုပေါင်း ယူရို ၃၅ သန်းအထိ ရောက်ရှိသွားပြီ ဖြစ်သည်ဟု ဆိုသည်။
အလားတူ အမေရိကန်နိုင်ငံကလည်း စစ်ကိုင်းငလျင်အတွက် အရေးပေါ် တုံ့ပြန်မှုအနေဖြင့် မြန်မာ နိုင်ငံအခြေစိုက် လူသားချင်းစာနာမှုဆိုင်ရာအကူအညီပေးသည့် အဖွဲ့အစည်းများမှတဆင့် အမေရိ ကန် ဒေါ်လာ၂ သန်းအထိ ပံ့ပိုးကူညီပေးအပ်သွားမည်ဖြစ်ကြောင်း၊ ထို့အပြင် အမေရိကန်နိုင်ငံတကာ ဖွံ့ဖြိုးရေးအေဂျင်စီ (USAID) ၏ အရေးပေါ်တုံ့ပြန်ရေးအဖွဲ့သည် အရေးပေါ် နားခိုစရာ၊ အစားအ သောက်၊ ဆေးဝါးလိုအပ်ချက်နှင့် ရေရရှိနိုင်မှုအပါအဝင် ငလျင်ဘေးသင့်ဒေသများရှိ ပြည်သူများ၏ အပူတပြင်း လိုအပ်ချက်များကို သုံးသပ်ဖော်ထုတ်ရန် မြန်မာနိုင်ငံသို့ ရောက်ရှိလာမည်ဖြစ်ကြောင်း ထုတ်ပြန်ထားသည်။
ပျက်စီးဆုံးရှုံးမှုများမှ ပြန်လည်ထူထောင်ရန်ကြိုးပမ်းလျက်ရှိကြသော မြန်မာပြည်သူများနှင့်အတူ အမေရိကန်ပြည်ထောင်စုက ရပ်တည်လျက်ရှိပြီး ဤအခက်အခဲကာလအတွင်း အသက်ဆုံးရှုံးမှု များနှင့် လမ်းပန်းဆက်သွယ်ရေး ပျက်စီးဆုံးရှုံးမှုများအတွက်လည်း အားလုံးနှင့်ထပ်တူ မိမိတို့ ဝမ်း နည်းစိတ်မကောင်းဖြစ်ရပါကြောင်း အသိပေးထားသည်။
ထို့အပြင် နော်ဝေနိုင်ငံကလည်း ငလျင်မလှုပ်မီက လူပေါင်း သန်း ၂၀ သည် လူသားချင်း စာနာ ထောက်ထားမှု အကူအညီများ လိုအပ်နေခဲ့ပြီး ငလျင်ကြောင့် ရှိပြီးသား လူသားချင်စာနာထောက် ထားမှု ဆိုင်အခြေအနေ အပေါ် ထပ်ဆင့်လိုက်သည့် အကြပ်အတည်းတစ်ခုဖြစ်ကြောင်း နော်ဝေ နိုင်ငံတကာ ဖွံ့ဖြိုးတိုးတက်ရေးဝန်ကြီး Åsmund Aukrust က ပြောကြားသည်။
ငလျင်ဗဟိုချက်တဝိုက်ရှိ အချို့နေရာများသည် လက်နက်ကိုင်ပဋိပက္ခကြောင့် ပြည်တွင်းနေရပ် စွန့် ခွာသူ ၁.၅ သန်းနီးပါးရှိပြီး လူသားချင်းစာနာထောက်ထားမှုအကူအညီသည် အလိုအပ်ဆုံး နေရာများ သို့ တတ်နိုင်သမျှ မြန်မြန်ရောက်ရှိရန် အလွန်အရေးကြီးကြောင်း၊ ငလျင်မလှုပ်မီက နော်ဝေသည် မြန်မာနိုင်ငံရှိ လူသားချင်းစာနာထောက်ထားမှုဆိုင်ရာ အဖွဲ့အစည်းအသီးသီးသို့ NOK သန်း ၁၂၀ လှူဒါန်းရန် ဆုံးဖြတ်ခဲ့ကြောင်း အသိပေးထားသည်။
၎င်း ရံပုံငွေသည် အဖွဲ့အစည်းများအား အရေးပေါ်တုံ့ပြန်မှု လျင်မြန်စွာ ဖြန့်ဝေပေးနိုင်သည့် လိုက် လျောညီထွေရှိသော ငွေကြေးများဖြစ်ပြီး ၎င်းတို့၏ ပြည်တွင်းလုပ်ဖော်ကိုင်ဖက်များသည် ရှေ့တန်း တွင် ရှိနေကြောင်း၊ မြန်မာနိုင်ငံသည် ပဋိပက္ခဖြစ်ပွားနေသောနိုင်ငံဖြစ်ပြီး စစ်အစိုးရထိန်းချုပ်ထား ခြင်း မရှိသော နယ်မြေများသို့ လူသားချင်းစာနာထောက်ထားမှုဆိုင်ရာ သွားလာခွင့်အတွက် စိုးရိမ် ကြောင်း ဆက်လက်ပြောဆိုသည်။
ပြည်နယ်ခြောက်ခုတွင် အရေးပေါ်အခြေအနေကြေညာထားပြီး စစ်အစိုးရက နိုင်ငံတကာ အသိုင်း အဝိုင်းကို အကူအညီပေးရန် တောင်းဆိုထားကြောင်း၊ လူသားချင်းစာနာထောက်ထားမှုဆိုင်ရာမူများ ကို လိုက်နာရန်နှင့် ဘေးဒဏ်သင့်ဒေသများသို့ အပြည့်အ၀ အတားအဆီးမရှိ ဝင်ရောက်နိုင်စေရန် စစ် အစိုးရခေါင်းဆောင်များနှင့် အတိုက်အခံအဖွဲ့များထိန်းချုပ်ထားသော ဒေသများတွင်လည်း အလား တူ ဆောင်ရွက်ပေးပါရန် တိုက်တွန်းထားသည်။
ယူကေနိုင်ငံအစိုးရအနေဖြင့် အင်အားပြင်း မြေငလျင်ဒဏ်သင့် မြန်မာပြည်သူများအတွက် စတာလင် ပေါင် ၁၀ သန်း ထောက်ပံ့ပေးမည်ဖြစ်ကြောင်း မတ်လ ၂၉ ရက်နေ့က ကြေညာထားသည်။
ဤယူကေရန်ပုံငွေအစီအစဉ်သည် ငလျင်ဒဏ် အပြင်းထန်ဆုံးခံရသောဒေသများရှိ အကူအညီများကို ထပ်လောင်းတိုးမြှင့်ပေးသွားမည်ဖြစ်ပြီး အစားအစာနှင့် ရေထောက်ပံ့မှု၊ ဆေးဝါးနှင့် နေစရာအမိုး အကာများရရှိစေရန်အတွက် ဦးတည်ဆောင်ရွက်သွားမည်ဖြစ်ကြောင်း အသိပေးထားသည်။
“ပြင်းထန်တဲ့ငလျင်လှုပ်ခတ်ပြီးနောက် ယူကေကမြန်မာပြည်သူပြည်သားများထံ အသက်ကယ်အကူ အညီတွေ ချက်ချင်းပေးပို့လျက်ရှိပါတယ်။ ယူကေမှ ရန်ပုံငွေထောက်ပံ့ထားတဲ့ ပြည်တွင်းမိတ်ဖက် အဖွဲ့အစည်းတွေက မြေပြင်မှာ လူသားချင်းစာနာထောက်ထားမှုဆိုင်ရာ တုံ့ပြန်ဆောင်ရွက်မှုတွေကို အကောင်အထည်ဖော် ဆောင်ရွက်နေပြီဖြစ်ပြီး အခုထောက်ပံ့လိုက်တဲ့ စတာလင်ပေါင် ၁၀ သန်းက ၄င်းတို့ရဲ့ ကူညီကယ်ဆယ်ရေးလုပ်ငန်းတွေကို ပိုမိုအားကောင်းလာစေမှာဖြစ်ပါတယ်။ ဒီကြေကွဲဖွယ် ဖြစ်ရပ်အတွက် မြန်မာပြည်သူပြည်သားအားလုံးကို အလေးနက်ဆုံးသော ကိုယ်ချင်းစာမှုဖြင့် ကရု ဏာသက်မိပါတယ်။” ဟု ဖွံ့ဖြိုးတိုးတက်ရေးဆိုင်ရာဝန်ကြီး Baroness Chapman က ပြောကြား သည်။
