30 C
Yangon

စဉ့်ကူးမြို့နယ်၊ လက်ပန်လှရွာကို စစ်တပ်က ယမန်နေ့ ညနေပိုင်း လေယာဉ်ဖြင့် ဗုံးကျဲ တိုက်ခိုက်မှု နေအိမ်များ မီးလောင်ပြာကျခဲ့

Must read

စဉ့်ကူးမြို့နယ်၊ လက်ပန်လှရွာကို စစ်တပ်က ယမန်နေ့ ညနေပိုင်း လေယာဉ်ဖြင့် ဗုံးကျဲ တိုက်ခိုက်မှု နေအိမ်များ မီးလောင်ပြာကျခဲ့

ရန်ကုန်၊ ဧပြီ ၁

မန္တလေးတိုင်း၊ စဉ့်ကူးမြို့နယ်၊ လက်ပန်လှရွာကို အကြမ်းဖက် စစ်တပ်က ယမန်နေ့ ညနေပိုင်း လေယာဉ်ဖြင့် ဗုံးကျဲ တိုက်ခိုက်ခြင်းကြောင့် နေအိမ်များ မီးလောင်ပြာကျခဲ့ကြောင်း ခရိုင် ပကဖ မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

မတ်လ ၃၁ ရက်နေ့ ညနေ ၅ နာရီ ၅၄ မိနစ်ခန့်ခန့်တွင် စဉ့်ကူးမြို့နယ်၊ လက်ပန်လှရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။

အကြမ်းဖက် စစ်တပ်၏ လေကြောင်း တိုက်ခိုက်မှု အတွင်း နေအိမ် ၂ လုံးနှင့် တဲ ၁ လုံး မီးလောင်ပြာကျခဲ့ပြီး ရွာလုံးကျွတ် ထွက်ပြေး တိမ်းရှောင်ခဲ့ခြင်းကြောင့် ပြည်သူများ ထိခိုက်မှုမရှိကြောင်း သိရှိရသည်။

“မနေ့က ညနေ ၅ နာရီ ၅၄ မိနစ်မှာ လက်ပန်လှရွာ ပြည်စိုးအောင် ရပ်ကွက်ကို စစ်တပ်က လေယာဉ်နဲ့ ဗုံးကျဲ တိုက်ခိုက်ခဲ့တာပါ။ နေအိမ် ၂ လုံး နဲ့ တဲ ၁ လုံး မီးလောင်ပျက်စီးသွားတယ်။ ပြည်သူတွေ ထိခိုက်မှုတော့မရှိပါဘူး” ဟု ခရိုင် ပကဖ မှ တာဝန်ရှိသူ တစ်ဦးက ပြောဆိုသည်။

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_imgspot_imgspot_imgspot_img

Latest article