ရန်ကုန်၊ ဧပြီ ၂
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်တွင် စစ်ကောင်စီ တပ်နှင့် PNO ပြည်သူ့စစ်များက ကျေးရွာများ မီးလောင်ပျက်စီးစေရန် ရည်ရွယ်ချက်ရှိရှိဖြင့် တော မီးရှို့မှုကြောင့် နေအိမ် ၂၄ လုံးမီးလောင်ပြာကျခဲ့ကြောင်း ပအိုဝ်းအမျိုးသားကာကွယ်ရေးတပ်ဖွဲ့-ခမ်းကောင် (PNDF-KK) မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြား သည်။
မတ်လ ၃၁ ရက် မွန်းလွဲပိုင်းတွင် ပင်လောင်းမြို့နယ်၊ ဆောင်းပြောင်းကျေးရွာနှင့် နောင်ဝိုးကျေးရွာ အနီး တဝိုက်တို့၌ တပ်စခန်းချထားသော စစ်ကောင်စီတပ်၊ PNO ပြည်သူ့စစ်ပူးပေါင်းတပ်ဖွဲ့များက ပူပြင်း ခြောက်သွေ့သော ရာသီဥတုကို အသုံးချ၍ တောတောင်နှင့်တဆက်တစပ်တည်းရှိသည့် ပအို့ဝ် ကျေး ရွာများ မီးလောင်စေရန် ရည်ရွယ်ချက်ရှိရှိဖြင့် တောမီးရှို့ခဲ့ရာ သောင်မဲသင်းကျေးရွာနှင့် လုံးပျဉ် ကျေး ရွာ များကို မီးကူးစက်လောင်ကျွမ်းခဲ့ပြီး သောင်မဲသင်းကျေးရွာမှ နေအိမ် အလုံး ၂၀ နှင့် လုံးပျဉ် ကျေး ရွာမှ နေအိမ် ၄ လုံးမီးလောင်ပြာကျခဲ့ကြောင်း သိရသည်။
ထိုသို့ မီးရှို့မှုကြောင့် မီးလောင်ကျွမ်းနေသော ပြည်သူ့နေအိမ်များကို ပအိုဝ်းအမျိုးသားကာကွယ်ရေး တပ်ဖွဲ့-ခမ်းကောင် (PNDF-KK) နှင့် KNDF အပါအဝင် မဟာမိတ် တပ်ပေါင်းစုများက ဝိုင်းဝန်းကာ တောမီးငြိမ်းသတ်ပေးခဲ့ရကြောင်း သိရသည်။
“မီးလောင်တဲ့ရွာတွေထဲမှာက ပြည်သူလူထုနေထိုင်ခြင်းမရှိဘူး။ စစ်ရှောင်နေရတာ ကြာပြီ။ လွန်ခဲ့တဲ့ တစ်နှစ်ကျော် ၂ နှစ်လောက်ကတည်းက စစ်ရှောင်နေကြရတာ၊ အဲဒါကြောင့် ချုံတွေထူထပ်ပြီးတော့ ခြောက်သွေ့သွားတဲ့ရာသီရောက်တော့ ခြောက်သွေ့သွားတာ။ အဲဒါကို အခွင့်ကောင်းယူပြီး သူတို့ ဘက်ကနေ ရှို့လိုက်တာပေါ့၊ သူတို့ဘက်ကနေ ရှို့လိုက်တဲ့မီးကလည်း အရှိန်အဟုန်ကောင်းကောင်း နဲ့ ရွာထဲကိုဝင်လာလို့ နေအိမ်တွေမီးလောင်သွားတာပါ၊ အခုဆိုရင် ပြည်သူတွေက ငလျင်ဒဏ် ခံစား နေရတာချင်းအတူတူ ဒီလုပ်ရပ်တွေကြောင့် စစ်ကောင်စီနဲ့အပေါင်းပါ PNO တွေကို ပြည်သူတွေက ရွံ့ရှာမုန်းတီးနေကြပြီ။ ပြည်သူတွေအိမ်တွေ ပါသွားတဲ့အတွက်လည်း ကျနော်တို့လည်း ထပ်တူ ဝမ်း နည်းရတယ်။ ဒီလိုမျိုး ထပ်မဖြစ်အောင်လည်း ကျနော်တို့ဘက်က အတတ်နိုင်ဆုံးတော့ ကြိုးစား ဆောင်ရွက်နေတယ်။ နောက်ထပ်လည်း ထပ်မဖြစ်အောင် ကျနော်တို့ဘက်က ကြိုးစားပြင်ဆင်ထား ပါတယ်” ဟု ပအိုဝ်းအမျိုးသားကာကွယ်ရေးတပ်ဖွဲ့-ခမ်းကောင် (PNDF-KK) မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြား သည်။
ယင်းအကြမ်းဖက် စစ်ကောင်စီတပ်နှင့် လက်အောက်ခံ PNO/PNA (အသွင်းပြောင်းဌာနေပြည်သူ့စစ်) အဖွဲ့သည် ၂၀၂၄ ဇူလိုင်လခန့်ကတည်းက ဆောင်းပြောင်းကျေးရွာ၊ နောင်ဝိုးကျေးရွာတို့အနီး တို့တွင် တပ်စခန်းချကာ နေထိုင်ခဲ့ခြင်းဖြစ်ပြီး သောင်မဲသင်းကျေးရွာနှင့် လုံပျဉ်ကျေးရွာ တို့ဘက်သို့ လက် နက်ကြီးများဖြင့် လည်းကောင်း၊ အသေခံဒရုန်းများဖြင့် လည်းကောင်း တိုက်ပွဲဖြစ်ပွားခြင်းမရှိပဲ နေ့ စဉ် လိုလို ပစ်ခတ် လျက်ရှိကြောင်း သိရသည်။
စစ်ကောင်စီနှင့် ၎င်း၏လက်အောက်ခံ ပြည်သူ့စစ်အဖွဲ့တို့သည် ငလျင်ဒဏ်ကြောင့် နိုင်ငံတဝန်း လုံး အတိ ဒုက္ခရောက်နေချိန်အတွင်းမှာပင် ယခုကဲ့သို့ ရပ်ရွာများ ပျက်စီးစေရန် ကြံရွှယ်ချက်ဖြင့် တောမီး ရှို့ကာ ကျေးရွားများအတွင်းသို့ မီးကူးဆက်စေခြင်း အပါအဝင် လေကြောင်းဖြင့် ဗုံးကြဲတိုက်ခိုက် ခြင်း၊ အသေခံဒရုန်းများဖြင့် တိုက်ခိုက်ခြင်းတို့ဖြင့် အရပ်သားပြည်သူများအပေါ်တွင် အကြမ်းဖက် ဖိနှိပ်မှုများ လုပ်ဆောင်လျက်ရှိနေကြောင်း ပအိုဝ်းအမျိုးသားကာကွယ်ရေးတပ်ဖွဲ့-ခမ်းကောင် (PNDF-KK) က ထုတ်ပြန်ထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
