ရန်ကုန်၊ ဧပြီ ၃
ကချင်ပြည်နယ်၊ ၀ိုင်းမော်မြို့နယ်တွင် စစ်တပ်က ထိုးစစ်ဆင်ပြီး လေကြောင်းတိုက်ခိုက်မှု၊ လက်နက်ကြီးပစ်ခတ်မှုများ လုပ်ဆောင် နေကြောင်း KIO ဒုတိယဥက္ကဋ္ဌ ဒုဗိုလ်ချုပ်ကြီး ဂွန်မော်က လူမှုကွန်ရက်မှတစ်ဆင့် သတင်းထုတ်ပြန်သည်။
ကချင်ပြည်နယ်၊ ၀ိုင်းမော်မြို့နယ်၊ လမြန် ကျေးရွာအနီး ရှိ KIA စခန်းနေရာကို စစ်ကောင်စီက ထိုးစစ်ဆင်နေကြောင်း၊ လေကြောင်းတိုက်ခိုက်မှုများ လုပ်ဆောင်နေသည့်အပြင် ၀ိုင်းမော်မြို့နယ် ခလရ ၅၈ ကလည်း လက်နက်ကြီးများ ပစ်ခတ်နေကြောင်း မြေပုံအညွန်းများနှင့်တကွ KIO ဒုတိယဥက္ကဋ္ဌ ဒုဗိုလ်ချုပ်ကြီးဂွန်မော်က အသိပေး ထားသည်။
အကြမ်းဖက်စစ်ကောင်စီက ဧပြီလ ၂ ရက်နေ့မှ ၂၂ ရက်နေ့အထိ ရက် ၂၀ ကာလကို ယာယီအပစ် ရပ်ကာလအ ဖြစ် သတ်မှတ်ကြောင်း ၊ငလျင်ဒဏ်သင့် ပြည်သူလူထုအား စာနာထောက်ထားပြီး ကူညီကယ်ဆယ်ရေးနှင့် ပြန် လည် ထူထောင်ရေး လုပ်ငန်းများကို အရှိန်အဟုန်ဖြင့်ဆောင်ရွက် နိုင်စေရန်ရည်ရွယ်၍ ယင်းကဲ့သို့ အပစ်ခတ် ရပ်စဲခြင်း ဖြစ်ကြောင်း ယမန်နေ့ ညပိုင်း ကြေညာခဲ့ပြီးနောက် ၀ိုင်းမော်တွင် ထိုးစစ်ဆင်လာခြင်းနှင့် လေကြောင်းတိုက်ခိုက်မှုများ လုပ်လာခြင်းဖြစ်သည်။
အကြမ်းဖက် စစ်ကောင်စီ၏ ယာယီအပစ်ရပ်ကြေညာချက်အပေါ် တုံ့ပြန်သည့်အနေဖြင့် KIO က ရက် ၂၀ ကြာ အပစ်အခတ်ရပ်ဆိုင်းထားမည်ဟု ယမန် နေ့ညပိုင်း ထုတ်ပြန် ကြေညာခဲ့သော်လည်း စစ်တပ်အနေဖြင့် ၎င်း၏ ကြေ ညာချက်အတိုင်း လိုက်နာရန် သတိပေးခဲ့သည့်ကြားမှ စစ်တပ်က ထိုးစစ်ဆင် တိုက်ခိုက်မှုများ လုပ်ဆောင်လာခြင်းဖြစ်သည်။
အလားတူ ယနေ့ နံနက် ၅ နာရီ ၅၇ မိနစ်အချိန်မှ နံနက် ၆ နာရီ ၃၀ မိနစ်အချိန်အထိ မိတ္တီလာ ရှမ်းတဲလေတပ်မှ Y 12 လေယာဉ်ဖြင့် စစ်ကိုင်းတိုင်း၊ အင်းတော်မြို့ သို့ ဗုံး ၃၁ လုံးကျဲချခဲ့ကြောင်း လေကြောင်းကင်းထောက်အဖွဲ့ ဖြစ်သော NAS-နပ်စ် လေကြောင်းရန်ကင်းထောက်အဖွဲ့က သတင်းထုတ်ပြန်ထား သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
