ကန်ပက်လက်မြို့ကို စစ်တပ်က လေယာဉ်ဖြင့် အကြိမ်ကြိမ် ဗုံးကျဲ တိုက်ခိုက်မှု နေအိမ်များနှင့် အစိုးရ အဆောက်အဦးများ ပျက်စီး

ရန်ကုန်၊ ဧပြီ ၃

ချင်းပြည်နယ်၊ ကန်ပက်လက်မြို့ကို အကြမ်းဖက် စစ်တပ်က လေယာဉ်ဖြင့် အကြိမ်ကြိမ် ဗုံးကျဲ တိုက်ခိုက်ရာ နေအိမ်များနှင့် အစိုးရ အဆောက်အဦးများ ပျက်စီးခဲ့ကြောင်း ကန်ပက်လက်မြို့ ပြည်သူ့အုပ်ချုပ်ရေးက ပြောဆိုသည်။

ဧပြီလ ၂ ရက်နေ့ မွန်းလွဲ ၁ နာရီ ၁၅ မိနစ်ခန့်တွင် အကြမ်းဖက် စစ်တပ်က ဂျက်ဖိုက်တာဖြင့် ကန်ပက်လက်မြို့ကို ဗုံးကျဲ တိုက်ခိုက်ခဲ့ခြင်းဖြစ်ပြီး နေအိမ်နှင့် အစိုးရ အဆောက်အဦး ၂၀ လုံး ပျက်စီးဆုံးခဲ့ကာ ပြည်သူများ ထိခိုက်မှုကြောင်း သိရသည်။

အကြမ်းဖက် စစ်တပ်၏ လေကြောင်း တိုက်ခိုက်မှုအတွင်း ပြည်သူပိုင် နေအိမ် ၅ လုံး၊ ထွေ/အုပ် အစိုးရ အဆောက်အအုံ ၈ လုံး၊ ခေါ်နူးစုမ်ရိပ်သာ ၁ လုံး၊ ကျေးလက်ဦးစီးမှူးရုံး ၂ လုံး၊ မြို့နယ်ရွေးကောက်ပွဲကော်မရှင်ရုံး ၁ လုံး၊ မြို့နယ် စစစ ရုံး ၁ လုံး ၊ မြို့နယ် စီမံကိန်းရုံး ၂ လုံး စုစုပေါင်း ၂၀ လုံး ပျက်စီးခဲ့ခြင်းဖြစ်ကြောင်း သိရှိရသည်။

ထိုသို့ အကြမ်းဖက် စစ်တပ်က လေကြောင်းဖြင့် တိုက်ခိုက်မှုများ လုပ်ဆောင်နေသည့်အတွက် ကန်ပက်လက်မြို့နယ် မြို့ပေါ်ရပ်ကွက်နေ ပြည်သူများ လေကြောင်းရန် အထူးဂရုပြု နေထိုင်ကြရန် ကန်ပက်လက်မြို့ ပြည်သူ့အုပ်ချုပ်ရေးအဖွဲ့က သတိပေး ပြောဆိုထားသည်။

ဓာတ်ပုံ – ကန်ပက်လက်မြို့နယ် အတွင်း အကြမ်းဖက် စစ်တပ်၏ လေကြောင်း တိုက်ခိုက်မှုကြောင့် ပျက်စီးသွားသော နေအိမ် တချို့ (ပုံအဟောင်းဖြစ်သည်)

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar