စစ်ကောင်စီက အပစ်ရပ်သည်ဟု ကြေညာပြီးနောက် ရွှေကျင်နှင့်မုန်းမြို့နယ်တို့တွင် စစ်တပ်က လက်နက်ကြီးများဖြင့် ပစ်ခတ်၍ ပြည်သူများ ထိခိုက်ဒဏ်ရာရကာ ဘုန်းကြီးကျောင်းနှင့် နေအိမ်များပျက်စီး

ရန်ကုန်၊ ဧပြီ ၄

အကြမ်းဖက်စစ်ကောင်စီက အပစ်အခတ်ရပ်စဲသည်ဟု ကြေညာပြီးနောက် ပဲခူးတိုင်း၊ ရွှေကျင်မြို့နယ်တွင် လက် နက်ကြီးများဖြင့် ပစ်ခတ်မှုကြောင့် ပြည်သူများ ထိခိုက်ဒဏ်ရာရရှိကြောင်း KNU ဗဟိုက သတင်းထုတ်ပြန် သည်။

ဧပြီလ ၂ ရက်နေ့ ညနေ ၅ နာရီအချိန် စစ်ကောင်စီ၏ ခမရ ၃၅၀ နှင့် ခမရ ၄၄၀ တပ်တို့က ရွှေကျင်မြို့နယ်၊ညောင် ခြေထောက်ကျေးရွာအတွင်းသို့ ၈၁ မမ လက်နက်ကြီးများဖြင့် ပစ်ခတ်ခဲ့သဖြင့် နေအိမ်များ ထိခိုက်ပျက်စီးခဲ့ကြောင်း၊ ထို့ပြင် ဧပြီလ ၃ ရက်နေ့ နံနက် ၁၀ နာရီ ၅၅ မိနစ်အချိန် စစ်ကောင်စီ၏ ခမရ ၃၅၁ တပ်ရင်းက မုန်းမြို့နယ်၊ ငထွေစုပ်ကျေးရွာအတွင်းသို့ လက်နက်ကြီးဖြင့် ပစ်ခတ်ခဲ့သောကြောင်း အသက် ၂၄ နှစ်အရွယ် နော်ခူခူ ထိခိုက်ဒဏ်ရာရရှိပြီး နေအိမ်များလည်း ထိခိုက်ပျက်စီးခဲ့ကြောင်း သိရှိရသည်။

ထို့အတူပင် မတ်လ ၂၇ ရက်နေ့ ည ၇ နာရီ ၄၅ မိနစ်အချိန် ရွှေကျင်မြို့နယ်အတွင်း အကြမ်းဖက်စစ်ကောင်စီ၏ ခမရ ၅၈၉ တပ်က ဒုံစရစ်မှနေ၍ ၆၀မမ လက်နက်ကြီး ၄ လုံး ပစ်ခတ်ခဲ့ရာ တဲကြီးကုန်းကျေးရွာလမ်းဘေးသို့ကျရောက်ပေါက်ကွဲသဖြင့် အသက် ၄၀ နှစ်အရွယ် ဦးစန်းနိုင်ဝင်း ထိခိုက်ဒဏ်ရာရရှိပြီး ကျေးရွာဘုန်းကြီးကျောင်းတစ်လုံး ထိမှန်ပျက်စီးခဲ့ကြောင်း သိရှိရသည်။

အကြမ်းဖက်စစ်ကောင်စီက ဧပြီလ ၂ ရက်နေ့မှ ဧပြီလ ၂၀ ရက်နေ့အထိ အပစ်အခတ်ရပ်စဲသည်ဟု ကြေညာထားသော်လည်း လက်တွေ့တွင်မူ တစ်နိုင်ငံလုံးတွင် ထိုးစစ်များ ဆင်ခြင်း၊ လေယာဉ်ဖြင့် ဗုံးကျဲခြင်း၊ လက်နက်ကြီးများ ဖြင့် ပစ်ခတ်ခြင်းများကို ဆက်လက် လုပ်ဆောင်လျက်ရှိကြောင်း NUG အပါအဝင် တော်လှန်ရေးတပ်ဖွဲ့က သတင်းထုတ်ပြန်ထားသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar