မြိုင်မြို့နယ်၊ လင်းကတော စစ်စခန်းမှ ပြည်သူပိုင် ပစ္စည်းများကို ခိုးယူရန် ထွက်လာသော စစ်ကြောင်းကို ခုခံ တိုက်ခိုက်မှု စစ်တပ်ဘက်မှ ၂ ဦးသေဆုံးနိုင်
မကွေးတိုင်း၊ မြိုင်မြို့နယ်၊ လင်းကတော စစ်စခန်းမှ ပြည်သူပိုင် ပစ္စည်းများကို ခိုးယူရန် ထွက်လာသော အကြမ်းဖက် စစ်တပ် စစ်ကြောင်းကို ခုခံ တိုက်ခိုက်ရာ စစ်တပ်ဘက်မှ ၂ ဦးသေဆုံးနိုင်ကြောင်း ပခုက္ကူခရိုင် အမှတ် ၁၅ တပ်ရင်းမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဧပြီလ ၁ ရက်နေ့တွင် မြိုင်မြို့နယ်၊ လင်းကတော အကြမ်းဖက် စစ်တပ် စခန်းမှ ပြည်သူပိုင် ပစ္စည်းများကို ခိုးယူရန် ထွက်လာသော အကြမ်းဖက် စစ်တပ် စစ်ကြောင်းကို တော်လှန်ရေး တပ်ဖွဲ့များက လမ်းပိုင်းတစ်နေရာ၌ ခုခံ တိုက်ခိုက်ခဲ့ကြောင်း သိရသည်။
ယင်း တိုက်ခိုက်မှုအတွင်း အကြမ်းဖက် စစ်ကောင်စီ တပ်သား ၂ ဦးသေဆုံးနိုင်ပြီး ထိခိုက်ဒဏ်ရာရရှိသော စစ်ကောင်စီ တပ်သားများလည်းရှိကြောင်း သိရှိရသည်။
” ပြည်သူပိုင်ပစ္စည်းတွေကို ခိုးယူ ဖျက်စီးဖို့ လင်းကတော ကနေ ထွက်လာတဲ့ စစ်ခွေး စစ်ကြောင်းကို တော်လှန်ရေး တပ်ဖွဲ့တွေက ခုခံ တိုက်ခိုက်ခဲ့တာပါ။ တော်လှန်ရေး တပ်ဖွဲ့တွေရဲ့ ခုခံကာကွယ်စစ်ကို စစ်ခွေး လော်ဘီတွေက သတင်းလိမ်ဝါဒဖြန့်ပြီး ငလျင်ကယ်ဆယ်ရေးသွားသည့် ပရဟိတအဖွဲ့ ယာဥ်တန်းကို ပစ်ခတ်တာလို့ သတင်းမှားတွေ လိမ်လည် ဝါဒဖြန့်နေတယ်။ အဲတိုက်ခိုက်မှုက စစ်ခွေး ၂ ကောင် တော်လှန်ရေး ရဲဘော်တွေရှေ့မှာ တင်လဲကျ သွားတယ်။ သေဆုံးမှုရှိမရှိဆိုတာတော့ မသိသေးဘူး” ဟု ပခုက္ကူခရိုင် အမှတ် ၁၅ တပ်ရင်းမှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို ပခုက္ကူခရိုင် အမှတ် ၁၅ တပ်ရင်းနှင့် နဂါးနီတပ်ဖွဲ့ MRG တပ်ဖွဲ့တို့က ပူးပေါင်း လုပ်ဆောင်ခဲ့ခြင်းဖြစ်ကြောင်း သိရသည်။
