ရန်ကုန်၊ ဧပြီ ၂၁
မန္တလေးတိုင်း၊ ညောင်ဦးမြို့နယ်တွင် စစ်ကောင်စီခန့် အုပ်ချုပ်ရေးမှူးများနှင့် စစ်တပ်အတွက် အလုပ် လုပ်ပေးနေသူ ၅ ဦးကို ပစ်ခတ်ခံရပြီး သေဆုံးသွားကြောင်း ပုဂံဘီလူးတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ဧပြီလ ၁၉ ရက်နေ့ ညပိုင်း ညောင်ဦးမြို့နယ်၊ ရွာပုလဲကျေးရွာ အကြမ်းဖက်စစ်ကောင်စီခန့် ကျေးရွာ အုပ်ချုပ်ရေးမှူး ခင်မောင်ကြည်နှင့် ဆယ်အိမ်မှူး နိုင်လင်းစိန်တို့ကို တော်လှန်ရေးတပ်ဖွဲ့တစ်ခုက ဝင်ရောက်ပစ်ခတ်ခဲ့ရာမှ သေဆုံးသွားကြောင်း သိရသည်။
အလားတူ ဧပြီလ ၁၈ ရက် ည ၈ နာရီခန့်ကလည်း ညောင်ဦးမြို့နယ်၊ မြေနီကျေးရွာ အုပ်ချုပ်ရေးမှူး ရဲတင့်နှင့် အကြမ်းဖက်စစ်တပ်အတွက် အလုပ်လုပ်ပေးနေသူ အုပ်ချုပ်ရေးမှူးရဲ၏ သမက် ဇော်မင်း ဌေး (ခ) စမုံတို့ကို တော်လှန်ရေးအဖွဲ့တစ်ခုက ဝင်ရောက်ပစ်ခတ်ရာမှ သေဆုံးသွားခဲ့ကြောင်း သိရသည်။
ထို့ပြင် ဧပြီလ ၁၇ ရက်နေ့ ည ၈ နာရီခန့် ညောင်ဦးမြို့နယ်၊ မြေသင်းတွင်း ကျေးရွာနေ အကြမ်းဖက် စစ်ကောင်စီခန့်အုပ်ချုပ်ရေးမှူး ရဲထွန်းကို တော်လှန်ရေးအဖွဲ့တစ်ခုက ပစ်ခတ်ရှင်းလင်းခဲ့ရာ သေဆုံး သွားကြောင်း သိရသည်။
ပစ်ခတ်ရှင်းလင်းခံရသည့် စစ်ကောင်စီခန့်အုပ်ချုပ်ရေးမှူးများနှင့် စစ်ကောင်စီထောက်တိုင်များသည် ပြည်သူ လူထု အပေါ် မတရား အနိုင်ကျင့် ခြိမ်းခြောက်ခြင်း၊ စစ်မှုထမ်းကြေးဟု ဆိုကာ ပြည်သူများ ထံ ဆက်ကြေးကောက် ခံခြင်း၊ လူငယ်များကို အတင်း အဓမ္မ စစ်တပ်အတွင်း ထည့်သွင်းခြင်းတို့ လုပ် ဆောင်နေသူများဖြစ် ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
