ရန်ကုန်၊ ဇွန် ၃၀
ဇွန်လ ၂၉ ရက်နေ့ မင်းအောင်လှိုင်က ရုရှားနိုင်ငံ၊ Buryatia ပြည်နယ်သို့ ရောက်ရှိစဉ် ယင်းကဲ့သို့ ထုတ်ဖော်ပြောဆိုလာခြင်းဖြစ်သည်။
“အင်မတန်စိတ်ချမ်းသာရပါတယ် လာရတာ။ သာယာလှပတဲ့ဒေသတစ်ခုပေါ့။ ကျနော်တို့ မြန်မာနိုင်ငံနဲ့ရင်းနှီးတဲ့ ပတ်ဝန်းကျင်တစ်ခုကို ကျနော် လာရတယ်လို့ခံစားရပါတယ်။ ကျနော်သုံးကြိမ်ရှိပြီလာတာ။ ကိုယ့်ဒေသကိုလာရသလို ကျနော်ရင်းနှီးတဲ့စိတ်ရှိပါတယ်။ နောက်ထပ်လည်းလာနိုင်ဖို့ ကျနော်ကြိုးစားဦးမယ်လို့ ပြောလိုပါတယ်”ဟု မင်းအောင်လှိုင်က ရုရှားအခြေစိုက် မီဒီယာများသို့ ဖြေဆိုခဲ့သည်။
မင်းအောင်လှိုင်က ရုရှားနိုင်ငံ၊ Buryatai ပြည်နယ်နှင့် ကျန်းမာရေး၊ ပညာရေး ပူးပေါင်းဆောင်ရွက်ရေး ကမ်းလှမ်း ချက်များကို လက်ခံသွားမည်ဖြစ်ပြီး စိုက်ပျိုးရေးနှင့်ပတ်သက်၍လည်း ဆွေးနွေးဆောင်ရွက်သွားမည်ဖြစ်ကြောင်း၊ ပူးပေါင်း လုပ်ရမည့် နယ်ပယ်များစွာရှိနေကြောင်း ဆိုသည်။
ရုရှားနိုင်ငံ၊ Buryatai အနေဖြင့် မြန်မာနိုင်ငံနှင့်ပတ်သက်၍ Rapid Bio ဆေးဝါးကုမ္ပဏီအနေဖြင့် ဆေးဝါးနည်းပညာနှင့်ပတ်သက်၍ ပစ္စည်းတင်သွင်းရန် Register တွေ လုပ်နေကြောင်း၊ Ulan-Ude က ထုတ်ထားသည့် ရဟတ်ယာဉ်နှင့်ပတ်သက်၍ ပို့ဆောင်ရေးဆိုင်ရာ ပူးပေါင်းဆောင်ရွက်မှုလုပ်ငန်းများ လုပ်ရန် စီစဉ်ထားကြောင်း Buryatai ပြည်နယ်အုပ်ချုပ်ရေးမှူးက ပြောဆိုသည်။
ထို့ပြင် မြန်မာနိုင်ငံမှ ရုရှားဘာသာစကားပညာသင်ကြားနေသည့် ဆရာများသို့ ထပ်ဆင့်သင်တန်းများပေးရန်၊ အဆင့်မြင့်သင်တန်း များပေးရန်အတွက်ကို Buryatia က သင်ပေးနိုင်ကြောင်း၊ Buryatia ပြည်နယ်ရှိ တက္ကသိုလ်များတွင်လည်း မြန်မာဘာသာစကားကို သင်ကြားရန် မြန်မာဘာသာစကားဌာနဖွင့်ရန်အထိလည်း ရည်ရွယ် ဆောင်ရွက်နေကြောင်း၊ နှစ်နိုင်ငံ ခရီးသွားလုပ်ငန်း မြှင့်တင်ရန်လည်း သဘောတူညီကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
