ရန်ကုန်၊ ဩဂုတ် ၂၀
မြန်မာနိုင်ငံတွင် စစ်တပ်က ပြုလုပ်မည့် အတုအယောင် ရွေးကောက်ပွဲကို KIA ၊ KNU၊ AA ၊ KNPP အပါအဝင် တိုင်းရင်းသားများနှင့်နွေဦး တော်လှန်ရေးအင်အားစုများက လက်မခံကြောင်း ကြေညာထားပြီးဖြစ်၍ ဥပဒေမဲ့ လုပ် ရပ်များတွင် ပူးပေါင်းပါဝင်ခြင်းမပြုကြရန် အမျိုးသားညီညွတ်ရေးအစိုးရ-NUGက ထပ်မံသတိပေးလိုက်သည်။
ယနေ့ ထုတ်ပြန်သည့် ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း အစီအစဉ် ၁၅/၂၀၂၅တွင် အမျိုးသားညီ ညွတ် ရေး အစိုးရ၊ ပြည်ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က အထက်ပါအတိုင်း ပြောဆိုသွားခြင်းဖြစ်သည်။
အကြမ်းဖက်စစ်တပ်က အတင်းအကျပ် ကျင်းပရန် ကြိုးစားနေသည့် တရားမဝင် အတုအယောင် ရွေးကောက်ပွဲကို တော်လှန် ရေးအင်အားစုများ၏ထိန်းချုပ်နယ်မြေအတွင်း ပြုလုပ်ခွင့် ပြုမည်မဟုတ်ကြောင်း ကရင်အမျိုးသားအစည်းအရုံး (KNU)၊ အာရက္ခတပ်တော် (AA) နှင့် ကချင်လွတ်မြောက်ရေးတပ်မတော် (KIA)၊ ကရင်အမျိုးသားတိုးတက်ရေးပါတီ(KNPP) တို့ကဲ့သို့သော တိုင်းရင်းသားတော်လှန်ရေးအဖွဲ့များ အပါအဝင် နွေဦးတော်လှန်ရေး အင်အား၀ငများက လက်မခံကြောင်း တရားဝင် ပြောထုတ်ပြန်ပြောဆိုထားပြီးဖြစ်ကြောင်း၊ အမျိုးသားညီညွတ် ရေးအစိုးရအနေဖြင့် မဟာမိတ်တိုင်းရင်းသားများ၊ နွေဦးတော်လှန်ရေးအင် အားစုများနှင့်အတူ ထပ်တူ တစ်သား တည်း ရပ်တည်နေကြောင်း၊ စစ်တပ်က ပြုလုပ်သည့် ရွေးကောက်ပွဲသည် ဥပဒေမဲ့လုပ်ရပ်ဖြစ်၍ ပူးပေါင်းပါဝင်သူများ၊ ထောက်ခံသူများအနေဖြင့် သတိချပ်ကြရန် အရေးကြီးကြောင်း ၎င်းက သတိပေးပြောဆိုသည်။
“၂၀၂၀ ရွေးကောက်ပွဲရလဒ်အရ ပေါ်ပေါက်လာတဲ့ ပြည်ထောင်စုလွှတ်တော်ကိုယ်စားပြု ကော်မတီဟာ ၂၀၂၁ခုနှစ် မတ်လ (၃၀) ရက်နေ့မှာ ၂၀၀၈ ဖွဲ့စည်းပုံအခြေခံဥပဒေကို ပယ်ဖျက်ကြောင်း ကြေညာခဲ့ပြီး ဖြစ်တာကြောင့် ဒီအခြေခံဥပဒေအောက်ကနေ လုပ် ဆောင်လျက်ရှိတဲ့ တရားမဝင်အတုအယောင် ရွေးကောက်ပွဲအပါအဝင် အ ကြမ်း ဖက်စစ်တပ်ရဲ့ လုပ်ရပ်မှန်သမျှဟာ တရားဝင်မှုမရှိတဲ့ ဥပဒေမဲ့လုပ်ရပ်တွေ သာဖြစ်တာကြောင့် ဒီလုပ်ရပ်တွေမှာ ပူးပေါင်းပါဝင်သူ၊ ထောက်ခံအားပေးသူတွေအနေနဲ့ သတိချပ်ကြဖို့ သတိပေးလိုပါတယ်” ဟု ဦးနေဘုန်းလတ်က ပြောဆိုသည်။
အကြမ်းဖက်စစ်တပ်၏ တရားမဝင် ရွေးကောက်ပွဲသည် ဟန်ပြသာဖြစ်ပြီး ၎င်းတို့၏ အာဏာတည်မြဲရေးနှင့် ပြည်သူလူထုကို သတ်ဖြတ်ထားသော စစ်ရာဇဝတ်မှုများမှ ကင်းလွတ်ခွင့်ရရှိရေး ကြိုးပမ်းနေခြင်းဖြစ်ကြောင်း၊ NUG အနေဖြင့် ဖက်ဒရယ် ဒီမိုကရေစီ ပြည်ထောင်စု တည်ဆောက်နိုင်ရေး မဟာမိတ်တိုင်းရင်းသားများနှင့်အတူ လက်တွဲ လျှောက်လှမ်းလျက်ရှိကြောင်း
“အကြမ်းဖက်စစ်အုပ်စုဟာ တရားမဝင် အတုအယောင် ရွေးကောက်ပွဲတခုကို ဟန်ပြပြုလုပ်ပြီး ၎င်းရဲ့ အာဏာ တည်မြဲရေးနဲ့ ပြည်သူလူထုအပေါ် ကျူးလွန်ခဲ့၊ ကျူးလွန်လျက်ရှိတဲ့ စစ်ရာဇဝတ်မှုတွေအတွက် ပြစ်ဒဏ်ကင်း လွတ်ခွင့်ရရှိရေး တို့အတွက် ကြိုးပမ်းနေခြင်းဖြစ်တာကြောင့် တော်လှန်ရေးအင်အားစုတွေအားလုံးအနေနဲ့ စု စည်း ညီညွတ်စွာနဲ့ ပြည်သူနဲ့အတူရပ်တည်ရင်း ဒီထောင်ချောက်ကို ဆန့်ကျင်ကျော်လွှားကြဖို့ တိုက်တွန်းပါတယ်” ဟု ဦးနေဘုန်းလတ်က ဆက်လက်ပြောဆိုသည်။
အကြမ်းဖက် စစ်တပ်က လာမည့် ဒီဇင်ဘာလ ၂၈ ရက်နေ့မှစတင်၍ ရွေးကောက်ပွဲ အပိုင်း ၁ ကို ကျင်းပမည်ဖြစ်ပြီး ရွေး ကောက်ပွဲများကို အပိုင်းလိုက် ကျင်းပသွားမည်ဖြစ်ကြောင်း ထုတ်ပြန်ကြေညာထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
