ကလေးဒေသအတွင်း စစ်အုပ်စု၏ တရားမဝင် အတုအယောင် ရွေးကောက်ပွဲကို လူထုအားဖြင့် ဆန့်ကျင်ကြရန်စကားဝိုင်းဖွဲ့ ဆွေးနွေး

ရန်ကုန်၊ ဩဂုတ် ၂၅

ကလေးဒေသအတွင်း အကြမ်းဖက် စစ်အုပ်စု၏ တရားမဝင် အတုအယောင် ရွေးကောက်ပွဲကို လူထုအားဖြင့် ဆန့်ကျင်ကြရန်အတွက် ကလေးမြို့လူထုတိုက်ပွဲဦးဆောင်ကော်မတီက ပြည်သူ့ပညာရေးသပိတ်စစ်ကြောင်းနှင့်အတူ ကျောင်းသားပြည်သူများနှင့် စကားဝိုင်းဖွဲ့ ဆွေးနွေးခဲ့ကြကြောင်း သိရှိရသည်။

လွတ်မြောက်ဒေသ စိုးမိုးဒေသများတွင် စစ်အုပ်စု အနေဖြင့် ရွေးကောက်ပွဲ ကျင်းပနိုင်ရန် အပြင်းအထန် စစ်ကြောင်းထိုးနေပြီး မြို့ပြနှင့် စစ်တပ်ထိန်းချုပ်ထားသည့် ဒေသမှ ပြည်သူများ ကို သေနတ်မိုးပြီး အတင်းအကြပ် မဲထည့်ခိုင်းမည်မှာ အသေအချာပင်ဖြစ်ကြောင်း၊ စစ်တပ်စိုးမိုးသည့် ဒေသများမှ ပြည်သူများအနေဖြင့် အတုအယောင်ရွေးကောက်ပွဲကို အလုံခြုံဆုံး ‌‌‌‌‌‌‌‌‌‌‌‌‌‌‌‌‌‌‌‌‌‌‌နည်းလမ်းများနှင့် ဆန့်ကျင်ပေးကြရန် ကလေးမြို့လူထုတိုက်ပွဲဦးဆောင်ကော်မတီက မေတ္တာရပ်ခံတိုက်တွန်းထားသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar