အကြမ်းဖက်စစ်တပ်ကို အပြီးသတ်အနိုင်ယူနိုင်ရေး အမျိုးသားညီညွတ်ရေးအစိုးရ-NUG၊ ကာကွယ် ရေးဝန်ကြီးဌာနက တိုင်းစစ်ဌာန ၁၀ ခုမှ တပ်မှူးကြီးများကို အစည်းအဝေး ခေါ်ယူပြီး ရှေ့လုပ်ငန်းစဉ်များ ချမှတ်လိုက်ကြောင်း အမျိုးသားညီညွတ်ရေးအစိုးရက တရားဝင်သတင်းထုတ်ပြန်သည်။
ဩဂုတ်လ ၂၃ ရက်နေ့မှ ဩဂုတ်လ ၂၅ ရက်နေ့အထိ အမျိုးသားညီညွတ်ရေးအစိုးရ၊ ကာကွယ်ရေးဝန် ကြီးဌာန၊ ပြည်သူ့ကာ ကွယ်ရေးတပ်မတော် ၏ တပ်မှူးကြီးများအစည်းအဝေး (၁/၂၀၂၅) ကို အောင် မြင်စွာ ကျင်းပနိုင်ခဲ့ပြီး ယင်းအစည်းအဝေးကို စစ်ဦးစီးချုပ် အမှူးပြု၍ ဒုစစ်ဦးစီးချုပ် နှင့် စစ်ရုံးချုပ် တာ ဝန် ရှိသူများ၊ အမှတ် ၁ စစ်ဒေသ စစ်ဒေသမှူး၊ ပြည်သူ့ကာကွယ်ရေးတပ်မတော် တပ်မှူးကြီး များ ဖြစ်ကြသည့် တိုင်းစစ်ဌာန ၁၀ ခုမှ တိုင်းကွပ်ကဲရေးမှူး နှင့် ဒုတိယတိုင်းကွပ်ကဲရေးမှူးများ၊ ကာကွယ်ရေးဝန်ကြီးဌာန အကြီးတန်းအရာရှိများ တက်ရောက်ကြသည်ဟု သိရှိရသည်။
ပြည်သူ့ခုခံတော်လှန်စစ်၏ စစ်ရေးအောင်ပွဲများ ဆက်လက် ရရှိနေစေရေး၊ ပြည်သူ့ကာကွယ်ရေး တပ် မတော် နှင့် ပြည်သူ့ကာကွယ်ရေးအဖွဲ့ များကို အမိန့်ပေးကွပ်ကဲမှု ကောင်းမွန်ပြီးကျင့်ဝတ်လိုက် နာသည့် တပ်မတော်တရပ်အဖြစ် စနစ်တကျ ဆက်လက်တည်ဆောက်ရေး၊ အကြမ်းဖက်စစ်တပ်ကို အပြီးသတ် အနိုင်ယူနိုင်ရေးတို့အတွက် ကျင်းပခြင်းဖြစ်သည်ဟု သိရှိရသည်။
လက်ရှိအချိန် ပြည်သူ့ကာကွယ်ရေးတပ်မတော် စစ်ရုံးချုပ်၏ ကွပ်ကဲမှုအောက်၌ တိုင်းစစ်ဌာန ၁၀ ခုကို ဖွဲ့စည်းဆောင်ရွက်လျက် တပ်ရင်း၊ တပ်ဖွဲ့များကို ကွပ်ကဲ တိုက်ပွဲဝင်လျက်ရှိကြောင်း NUG ကာ ကွယ်ရေးဝန်ကြီးဌာနက အသိပေးထားသည်။
NUG က အစည်းအဝေး ခေါ်ယူခဲ့သော တိုင်းစစ်ဌာနများမှာ-
၁- စစ်ကိုင်းတိုင်းစစ်ဌာန
၂- မန္တလေးတိုင်းစစ်ဌာန
၃- မကွေးတိုင်းစစ်ဌာန
၄- ရှမ်းတောင်-ကယား(ကရင်နီ) တိုင်းစစ်ဌာန
၅- နေပြည်တော်တိုင်းစစ်ဌာန
၆- ပဲခူးတိုင်းစစ်ဌာန
၇- ရန်ကုန်တိုင်းစစ်ဌာန
၈- ဧရာဝတီတိုင်းစစ်ဌာန
၉- တနင်္သာရီတိုင်းစစ်ဌာန
၁၀- အထူးတိုင်းစစ်ဌာန တို့ဖြစ်ကြောင်း သိရသည်။
အဆိုပါ အစည်းအဝေးတွင် တပ်မှူးကြီးများက မိမိတို့ တိုင်းစစ်ဌာနအလိုက် စစ်ရေးသုံးသပ်ချက် စာ တမ်းများ တင်သွင်းခဲ့ကြပြီး လက်ရှိ တော်လှန်ရေးအခြေအနေအပေါ် သုံးသပ်ဆွေးနွေးခဲ့ကြကာ ပြည်သူ့ကာကွယ်ရေးတပ်မတော်၏ ရှေ့လုပ်ငန်းစဉ်များကို ဖော်ထုတ်ချမှတ်ခဲ့ကြောင်း သိရှိရသည်။
ဓာတ်ပုံ – နိုင်ငံတော်ယာယီသမ္မတ ဒူဝါလရှီးလနှင့် ကာကွယ်ရေးဝန်ကြီး ဦးရည်မွန်တို့ နယ်မြေကွင်းဆင်းခဲ့စဉ်။ (ပုံအဟောင်းဖြစ်ပါသည်။)
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
