27.9 C
Yangon

မြန်မာနှင့်လာအိုမှ အသက်မပြည့်သေးသော မိန်းကလေးငယ်များ၏ အပြာ ဓာတ်ပုံများ ရိုက်ကူးထုတ်လုပ်နေသော ဂျပန်နိုင်ငံသား သွားဆရာဝန်နှင့် သက်ကြီးရွယ်အို ၂ ဦးတို့ကို ဂျပန်ရဲတပ်ဖွဲ့ ဖမ်းဆီး

Must read

ရန်ကုန်၊ ဩဂုတ် ၂၉

မြန်မာနိုင်ငံနှင့်လာအိုနိုင်ငံမှ အသက်မပြည့်သေးသော မိန်းကလေးငယ်များ၏ မဖွယ်မရာဓာတ်ပုံများ ရိုက်ကူးထုတ်လုပ်နေသော ဂျပန်သက်ကြီးရွယ်အို ၂ ဦးကို ဂျပန်ရဲတပ်ဖွဲ့ ဖမ်းဆီးလိုက်ကြောင်း ဂျပန်မှ လာသော သတင်းများအရ သိရှိရသည်။

ဂျပန်ရဲတပ်ဖွဲ့က ဂျပန်နိုင်ငံသား သက်ကြီးရွယ်အို ၂ ဦးကို အသက်မပြည့်သေးသော ကလေးများ၏ အပြာဓာတ်ပုံများ ရိုက်ကူးထုတ်လုပ်မှုဖြင့် ယခုအပတ်အတွင်း ဖမ်းဆီးလိုက်ကြောင်း၊ ဖမ်းဆီးခံရသော ဂျပန်နိုင်ငံသား ၂ ဦးမှာ အိုဆာကာမြို့မှ အသက် ၆၀ အရွယ် သွားဆရာဝန် Yoshihiro Shirai နှင့် နာဂိုယာမှ အသက် ၆၅ နှစ်အရွယ် အလုပ်အကိုင်မရှိသူ Kazuhiko Uji တို့ဖြစ်ကြောင်း သိရှိရသည်။

အိုဆာကာမြို့မှ အသက် ၆၀ အရွယ် သွားဆရာဝန် Yoshihiro Shirai က ၂၀၂၄ ခုနှစ် အောက်တိုဘာလ မြန်မာနိုင်ငံသို့သွားရောက်ပြီး အသက် ၁၈ နှစ်အောက် မိန်းကလေးငယ် အပြာဓာတ်ပုံများ ရိုက်ကူးခဲ့ကြောင်း၊ သို့ရာတွင် သူက စွပ်စွဲချက်ကို ငြင်းဆိုထားသည်။

အသက်မပြည့်သေးသော ကလေးငယ်များကို ပြည့်တန်ဆာအဖြစ် အသုံးချ ကျူး လွန်သော ဂျပန်နိုင်ငံသားများအား မည်သည့်နေရာတွင် ကျူးလွန် သည်ဖြစ်စေ ဂျပန် ဥပဒေအရ အရေးယူအပြစ်ပေးနိုင်ကြောင်း ဂျပန်အစိုးရက ဆိုသည်။

လာအိုနိုင်ငံတွင် ကလေးပြည့်တန်ဆာများနှင့်ဆက်နွယ်နေသော အမှုများတွင် ဂျပန်နိုင်ငံသားများ ပါဝင်မှုရှိနေကြောင်း ဂျပန်အစိုးရက ယခုနှစ်ဇွန်လအတွင်း ထုတ်ပြန်ပြောဆိုထားသည်။

ဖမ်းဆီးခံရထားသော ဂျပန်နိုင်ငံသား Kazuhiko Uji သည် ယခုနှစ် မတ်လအတွင်း လာအိုနိုင်ငံ၊ ဟိုတယ်တစ်ခုတွင် မိန်းကလေးငယ် ၁ ဦးကို လျှို့ဝှက်ရိုက်ကူးမှုများ လုပ်ဆောင်ခဲ့ကြောင်း သိရှိရသည်။

ဂျပန်အာဏာပိုင်များက အပြာဗီဒိယိုနှင့်ဓာတ်ပုံများ ၁၁၀၀၀ ကို အဆိုပါ ဂျပန်နိုင်ငံသား ၂ ဦးထံမှ သိမ်းဆည်းရရှိခဲ့ကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_imgspot_imgspot_imgspot_img

Latest article