မန္တလေးတိုင်း၊ မြင်းခြံမြို့နယ်တွင် အကြမ်းဖက် စစ်တပ်၏ ရေကြောင်းစစ်ဆေးရေးဂိတ်ကို ဒရုန်းဖြင့် ၃ ကြိမ် ဗုံးကျဲ တိုက်ခိုက်ခဲ့ရာ စစ်တပ်ဘက်မှ ထိခိုက်သေဆုံးမှုရှိနိုင်ကြောင်း ရေစကြိုတပ်ပေါင်းစုအဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ပြောဆိုသည်။
ဩဂုတ်လ ၂၃ ရက်နေ့၊ ဩဂုတ်လ ၂၇ ရက်နေ့နှင့် ဩဂုတ်လ ၂၈ ရက်နေ့တို့တွင် မြင်းခြံမြို့နယ် ဆိတ်ညံရေတင်ရုံးရှိ အကြမ်းဖက် စစ်တပ်၏ ရေကြောင်းစစ်ဆေးရေးဂိတ်ကို တော်လှန်ရေး တပ်ဖွဲ့များက ဒရုန်းဖြင့် ဗုံးသီး ၂၀ လုံးကျဲချ တိုက်ခိုက်ခဲ့ကြောင်း သိရသည်။
အဆိုပါ တိုက်ခိုက်မှုအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှု အရေအတွက်ကို အတည် ပြုနိုင်ခြင်းမရှိဘဲ တော်လှန်ရေး တပ်ဖွဲ့များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။
“အဲဒီနေရာမှာက စစ်ခွေး အင်အား ၂၀ လောက်ပဲရှိတာ။ စစ်သင်္ဘော အစုံအဆန် ခဏခဏ ဝင်နားတာတော့ရှိတယ်။ စစ်ခွေးသေစာရင်းကတော့ မသိရသေးဘူး။ ၂၇ ရက်နေ့က ၂ ယောက်ထိတယ်လို့တော့ကြားတယ်။ အတိအကျ မသိရလို့ ထိခိုက်မှု မတင်လိုက်တာ တစ်နေရာတည်းမှာပဲနေကြတာပါ။ ဆိတ်ညံရေတင်ရုံး တစ်နေရာထဲပဲရှိတာ ခွေးတွေ နေတာက အဲ့ရေတင်ရုံးမှာပဲ သင်္ဘောတွေ စစ်ဆေးကြတာပါ။ စစ်ခွေးတွေ ဘက်ကတော့ သေနတ်နဲ့ ပြန်ပစ်တာတော့ရှိပါတယ်။ သေဆုံးမှုတော့ရှိနိုင်ပါတယ်။ ခွေးနေတဲ့နေရာနဲ့ နီးနီးကပ်ကပ်ကို ကျတာပါ။ ဗုံးသီးချတဲ့နေရာကို စကောက်ဒရုန်းနဲ့ကြည့်ပြီးမှ ချတာပါ” ဟု ရေစကြိုတပ်ပေါင်းစု အဖွဲ့ က တာဝန်ရှိသူက ပြောဆိုသည်။
လတ်တလော မြင်းခြံမြို့နယ်တွင် စစ်တပ်နှင့် တော်လှန်ရေးတပ်များအကြား စစ်ရေးတင်းမာနေပြီး စစ်တပ်ကလည်း စစ်ကြောင်းထိုးမှုများကို တောက်လျှောက်ဆိုသလို လုပ်ဆောင်နေကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
