စစ်ကိုင်းမြို့ပေါ်တွင် ပျူစောထီးအဖွဲ့များကို တပ်မ ၃၃ က ဖွဲ့စည်းပေးနေပြီး ပျူစောထီးအဖွဲ့များ ရပ် တည် လည်ပတ်နိုင်ရေးအတွက် ဆက်ကြေးကောက်မှုများ၊ အောင်ဘာလေထီရောင်းချခြင်းများ၊ စစ်မှု ထမ်းကြေးကောက်ခံမှုများ၊ စစ်မှုထမ်းလူစားထိုးအရောင်းအဝယ်လုပ်မှုများအပါအဝင် ခြိမ်းခြောက် ငွေကောက်ခံမှုများကို တရားဝင် ခွင့်ပြုထားကြောင်း စစ်ကိုင်းမြို့မှ ကင်းထောက်အဖွဲ့တချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။
စစ်ကိုင်းမြို့ပေါ်တွင် ပျူစောထီးများက စစ်တပ် ထုတ်ဝေနေသော အောင်ဘာလေထီများကို စျေးဆိုင်များနှင့် လုပ်ငန်းရှင်များထံသို့ မဝယ်မနေရအဖြစ် ခြိမ်းခြောက်ရောင်းချနေကြောင်း၊ အောင်ဘာလေထီကို မတန်တဆ စျေးတင်ရောင်းချနေကြောင်း၊ စျေးဆိုင်များအဖြစ် ကွမ်းယာဆိုင်မှစတင်၍ စက်ရုံ၊ ပွဲရုံ၊ အလုပ်ရုံ ပိုင်ရှင်ကဲ့သို့သော စီးပွားရေးလုပ်ငန်းရှင်များအထိ အောင်ဘာလေထီ အနည်းဆုံး ၅ သောင်းမှ ၃ သိန်းအထိ မဝယ်မနေရ အတင်းအကျပ် ခြိမ်းခြောက်ရောင်းချနေကြောင်း သိရှိရသည်။
“လုပ်ငန်းရှင်တွေနဲ့ စျေးဆိုင်တွေကို ပျူစောထီးတွေက စစ်တပ်ထုတ်ထားတဲ့ အောင်ဘာလေ ထီကို မထိုးမနေရ လက်နက်ပြပြီး ထိုးခိုင်းနေပါတယ်။ လုပ်ငန်းကြီးရင် အောင်ဘာလေထီ ၃သိန်းဖိုး၊ လုပ် ငန်းသေးရင် ၂ သိန်းဖိုး၊ ကွမ်းယာဆိုင်လောက်ဆိုရင် အောင်ဘာလေထီ ၃ သောင်းကနေ ၊ ၅ သောင်းဖိုး ရောင်းတယ်။ တကယ်က အောင်ဘာလေထီကို စျေးတင်ပြီး ပျူစောထီး ရန်ပုံငွေ အဖြစ် ပြန်ရောင်းနေတာ။ အနိုင်ကျင့်သလိုဖြစ်နေတယ်။ လစဉ် လာရောင်းနေတာ” ဟု စစ်ကိုင်းမြို့ပေါ်မှ စီးပွားရေးသမားတစ်ဦးက ပြောဆိုသည်။
ထို့ပြင် စစ်ကိုင်းမြို့ပေါ်တွင် စစ်တပ်က ဖွဲ့စည်းပေးထားသော ပျူစောထီးများအနေဖြင့် စစ်မှုထမ်းကြေး ကောက်ခံခြင်း၊ စစ်မှုထမ်းလူစားထိုးအရောင်းအဝယ်များနှင့် လူငယ်များကို ဖမ်းဆီး ရောင်းချခြင်းများကို အကြီးအကျယ်လုပ်ဆောင်လျက်ရှိကြောင်း သိရှိရသည်။
“စစ်ကိုင်းမှာ ပျူတွေက လူငယ်မှန်သမျှကို အကုန်ဖမ်းတယ်။ ပြီးတော့ အရောင်းအဝယ်လုပ်တယ်။ လူတစ်ဦးကို ငွေ သိန်း ၁၀၀ ပတ်ချာလည်လောက် စျေးပေါက်တယ်။ စစ်မှုထမ်းကြေးလည်းကောက်တယ်။ လူစားထိုးချင်ရင်လည်း သူတို့ ရောင်းပေးတယ်။ အဓိက ပျူတွေရဲ့ ရန်ပုံငွေ အဖြစ် အဲဒါတွေ လုပ်တာကို တပ်ရော ရဲရော ထွေ/အုပ်ရောသိတယ်။ သူတို့ ခွင့်ပြုပေးထားတာ။ အဲဒီတော့ စစ်ကိုင်းမြို့ပေါ်မှာ လူငယ်မှန်သမျှက အကုန်ရှောင်နေကြရတယ်” ဟု စစ်ကိုင်းမြို့မှ ကင်းထောက်အဖွဲ့ဝင်တစ်ဦးက ရှင်းပြသည်။
စစ်ကိုင်းမြို့ပေါ်မှ ပျူစောထီးများက ရဲများနှင့်ပူးပေါင်း လောင်းကစား၀ိုင်းများ၊ ပြည့်တန်ဆာခန်းများ၊ အရက်ဆိုင်များ၊ နှစ်လုံးထီသုံးလုံးထီရောင်းချသူများထံမှလည်း ဆက်ကြေးကောက်ခံခြင်း၊ ပျူစောထီးများ၏ ရန်ပုံငွေဟု အမည်တပ်ထားသော လောင်းကစား၀ိုင်းတချို့ကိုလည်း စျေးပွဲတော် အမည်တပ်၍ ကျင်းပ ငွေရှာကြကြောင်း သိရှိရသည်။
ဓာတ်ပုံ – စစ်တပ်လက်အောက်ခံ ပြည်သူ့စစ်ခေါ် ပျူစောထီးများ။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
