ထိုင်းဝန်ကြီးချုပ် ပေထုန်တန် ရှင်နာဝတ်ထရာကို ဖွဲ့စည်းပုံအခြေခံဥပဒေခုံရုံးက ရာထူးမှ အပြီး ဖယ်ရှား ၊ ကမ္ဘေားဒီးယားဝန်ကြီးချုပ်ဟောင်း ဟွန်ဆင်နှင့် အသံဖိုင်တွင် ကျင့်ဝတ်ချိုးဖောက်ခဲ့ဟု တရားရုံးက ဆုံးဖြတ်

ရန်ကုန်၊ ဩဂုတ် ၂၉

ထိုင်းဝန်ကြီးချုပ် ပေထုန်တန် ရှင်နာဝတ်ထရာကို ဖွဲ့စည်းပုံအခြေခံဥပဒေခုံရုံးက ရာထူးမှ အပြီး ဖယ်ရှားကြောင်း ထိုင်းနိုင်ငံ၏ ဖွဲ့စည်းပုံ အခြေခံဥပဒေဆိုင်ရာ ခုံရုံးက ယနေ့ ဆုံးဖြတ်ချက် ချမှတ်လိုက်သည်။

ထိုင်းနိုင်ငံ ဖွဲ့စည်းပုံအခြေခံဥပဒေ တရားရုံးက ဇူလိုင် ၁ ရက်နေ့မှစတင်၍ ထိုင်းဝန်ကြီးချုပ် ပေထုန်တန် ရှင်နာဝတ်ထရာ (Paetongtarn Shinawatra) ကို ရာထူးမှ ယာယီဆိုင်းငံ့ထားရာမှ ယနေ့တွင် အပြီး ဖယ်ရှားရန် ဆုံးဖြတ်ချက်ချမှတ်ခဲ့ခြင်းဖြစ်သည်။

ဝန်ကြီးချုပ်ပေထုန်တန်နှင့် ကမ္ဘောဒီးယားဝန်ကြီးချုပ်ဟောင်း ဟွန်ဆန် (Hun Sen) တို့အကြား နယ်စပ်တင်းမာမှုကိစ္စ ဖုန်းအပြန်အလှန် ပြောဆိုခဲ့သော အသံဖိုင် ပေါက်ကြားခဲ့ပြီး ယင်းအသံဖိုင်တွင် ထိုင်းဝန်ကြီးချုပ်အနေဖြင့် ကျင့်ဝတ်ဖောက်ဖျက်ပြီး နိုင်ငံအတွက် သိက္ခာကျစေကြောင်း၊ ထို့ကြောင့် အပြစ်ရှိကြော်ငး ဆုံးဖြတ်ပြီး ရာထူးတာဝန်မှ အပြီးဖယ်ရှားကြောင်း ထိုင်းနိုင်ငံဆိုင်ရာ အခြေခံဥပဒေ ခုံရုံးက ဆုံးဖြတ်လိုက်သည်။

ဖုန်းအသံဖိုင်အတွင်း၌ ပေထုန်တန်က ထိုင်းတပ်မတော်အပေါ် မသင့်တော်သော အသုံးအနှုန်းများဖြင့် ပြောဆိုခဲ့ပြီး ထိုင်းအထက်လွှတ်တော်အမတ် ၃၆ ဦးက အခြေခံဥပဒေခုံရုံးထံသို့ တရားဝင်တိုင်ကြားခဲ့ခြင်းဖြစ်သည်။

ဝန်ကြီးချုပ်ကို ဖယ်ရှားလိုက်သဖြင့် ထိုင်းဝန်ကြီးချုပ်သစ်ထပ်မံ ရွေးချယ်ရမည်ဖြစ်ကာ ထိုင်းအစိုးရတစ်ဖွဲ့လုံး အပြောင်းအလဲများ ပြုလုပ်ရမည်ဖြစ်ကြောင်း ထိုင်းသတင်းဌာနများက ရေးသားဖော်ပြထားသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar