ပဲခူးတိုင်း၊ တောင်ငူမြို့နယ်၊ ပဒဲကျေးရွာမှ ထွက်လာသော စစ်တပ် စစ်ကြောင်းကို ကြားဖြတ် တိုက်ခိုက်ရာ စစ်သား ၁၀ ဦးသေဆုံးခဲ့ကြောင်း ဝရဇိန်တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယမန်နေ့ ဩဂုတ်လ ၃၁ ရက်နေ့ မွန်းလွဲ ၁၂ နာရီခန့်တွင် တောင်ငူမြို့နယ်၊ ပဒဲကျေးရွာတွင် အထိုင်ချ တပ်စွဲထားသော အင်အား ၁၅၀ ပါ စစ်ကြောင်းသည် ကျေးရွာအတွင်းမှ ထွက်လာစဉ် ပဒဲကျေးရွာအနီးတွင် တော်လှန်ရေး တပ်ဖွဲ့များက ကြားဖြတ် တိုက်ခိုက်ခဲ့ခြင်းဖြစ်ကြောင်း ၊ ထိုတိုက်ခိုက်မှုအတွင်း အကြမ်းဖက် စစ်တပ်ဘက်မှ ၁၀ ဦးသေဆုံးကာ တော်လှန်ရေး ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရှိရသည်။
“တိုက်ပွဲဖြစ်ပွားချိန်က ၁ နာရီလောက်ကြာပါတယ်။ ကမ်းပါးနီရွာနဲ့ ပဒဲရွာ ဘက်ကနေ ထိုးလာတာပါ။ စစ်ခွေးတွေ အထိနာပြီး တပ်ပြန်ဆုတ်သွားတယ်။ စစ်ခွေးတွေ အထိုင်ချထားတဲ့ ပဒဲရွာကို ပြန်လည်ဆုတ်ခွာသွားတာ ကျနော်တို့တပ်နဲ့ ထိတွေ့မှုဖြစ်တာက ပဒဲရွာအထွက် မှာပါ။ စစ်ခွေး သေတာက ၁၀ ကောင်လောက်ဖြစ်မယ်လို့ ခန့်မှန်း ရပါတယ်။ ပဒဲရွာအထွက်မှာ ကျနော်တို့ တပ်ဖွဲ့နဲ့ထိတွေ့မှု ဖြစ်ပြီး ရန်သူ့အခြား စစ်ကြောင်း တွေနဲ့က တော့ ကျနော်တို့ရဲ့ မဟာမိတ်တွေနဲ့ ထိတွေ့မှုဖြစ်တာပါ” ဟု ဝရဇိန်တပ်ဖွဲ့မှ တာဝန်ရှိသူက ပြောဆိုသည်။
အဆိုပါတိုက်ခိုက်မှုကို ဝရဇိန်တပ်ဖွဲ့ ၊ သံတောင်မြောက်ပိုင်းပြည်သူ့ကာကွယ်ရေး ဖိုက်တာဆားခဲတပ်ဖွဲ့၊ ပုဝါနီစစ်ကြောင်းနှင့် သမန်းကြားတပ်ဖွဲ့တို့က ပူးပေါင်း လုပ်ဆောင်ကြောင်းသိရှိရသည်။
တောင်ငူမြို့နယ်အတွင်းတွင် စစ်တပ်က စစ်ကြောင်းထိုးမှုများလုပ်ဆောင်လာနေပြီး အထူး သဖြင့်ရွေးကောက်ပွဲကာလမတိုင်မီ တည်ငြိမ်အေးချမ်းရေး ရှိစေရန်ဆိုသော အကြောင်းပြချက်ဖြင့် ကျေးရွာများကို ဝင်ရောက်စီးနင်းမှုများရှိလာကြောင်း ဒေသသတင်းရင်းမြစ်များက ပြောဆိုကြသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
