ကချင်ပြည်နယ်၊ ဖားကန့်မြို့၊ မရှီကထောင်ရပ်ကွက်၊ သုခဆေးခန်းအနီးတွင် အသက် ၃၀ အရွယ် အမျိုးသားတစ်ဦး ပစ်ခတ်ခံထားရကြောင်း ဒေသသတင်းရင်းမြစ်က ရန်ကုန်ခေတ်သစ်သတင်းဌာန ထံသို့ ပြောကြားသည်။
ယနေ့ စက်တင်ဘာလ ၁ ရက်နေ့ နံနက်ပိုင်း ဖားကန့်မြို့၊ မရှီကထောင်ရပ်ကွက်၊ သုခဆေး ခန်းအနီး တွင် အသက် ၃၀ အရွယ် အမျိုးသားတစ်ဦး ပစ်ခတ်သတ်ဖြတ်ခံထားရပြီး မည်သည့်နေရာက ပစ် ခတ်ခြင်းဖြစ်သည်ကို သိရှိရခြင်း မရှိသေးကြောင်း သိရသည်။
“ဘယ်ကပစ်မှန်းတော့ မသိရဘူး။ အသက် ၃၀ ဝန်းကျင်အရွယ်လောက်ပါပဲ၊ အမျိုးသားတစ်ဦး ပစ် သတ်ခံရတာ” ဟု ဒေသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။
ပြီးခဲ့သည့် မေလ ၂၇ ရက်နေ့မှ စ၍ ဖားကန့်မြို့သို့ အကြမ်းဖက်စစ်တပ်စစ်ကြောင်း ရောက်ရှိချိန်က တည်းက အကြမ်းဖက်စစ်ကောင်စီတပ်ဖွဲ့၏ ပစ်ခတ်သတ်ဖြတ်မှုကြောင့် ပြည်သူ ၇၀ ဦးခန့် သေ ဆုံးထားပြီး ၁၀၀ ဦးကျော်ဒဏ်ရာရရှိထားကြောင်း သိရသည်။
အလားတူ အကြမ်းဖက်စစ်ကောင်စီတပ်က ပြည်သူများကိုဆက်တိုက်ဖမ်းဆီးလျက်ရှိရာ ယမန်နေ့ ဩဂုတ်လ ၃၁ ရက်နေ့က ဖားကန့်မြို့၊ ကျောက်ဝိုင်းအတွင်းရှိ ဆိုင်ကယ် ဝပ်ရှော့ဆိုင်မှ ဝပ်ရှော့ ဆရာနှင့် အလုပ်သင် လုပ်သား ၃ ဦးကိုလည်းကောင်း၊ ထို့အပြင် လမ်းပေါ်တွင် ကား ၂ စီးဖြင့် ဖြတ် သွားသော လူများကိုလည်းကောာင်း ဖမ်းဆီးသွားကြောင်း သိရသည်။
ဩဂုတ်လ ၃၀ ရက်နေ့ ညနေ ၃ နာရီခန့်အချိန် ဖားကန့်မြို့၊ မရှီကထောင်ရပ်ကွက်၊ ကျောက် စိမ်းသူ စား သောက်ဆိုင်တွင် မွေးနေ့ပွဲပြုလုပ်နေသော လူငယ် ၁၀ ဦးထက်မနည်းကို အကြမ်းဖက်စစ်ကောင် စီတပ်က ဝင်ရောက်ဖမ်းဆီးသွားကြောင်း၊ အလားတူ ဩဂုတ်လ ၂၉ ရက်နေ့ကလည်း မရှီကထောင် ရပ်ကွက် ၊ ကျေက်စိမ်းတောင်တံတားထိပ်တွင် လူငယ် ၁၅ ဦးခန့်ကို ဖမ်းဆီးထားကြောင်း သိရသည်။
အကြမ်းဖက်စစ်ကောင်စီတပ်က ဖားကန့်မြို့ပေါ်ရပ်ကွက် ၅ ခုကို နေရာယူတပ်စွဲထားပြီး ဂိတ်များ ချ၍ စစ်ဆေးဖမ်းဆီးနေသလို နေအိမ်များအတွင်းအတွင်းသို့လည်း အချိန်မရွေးဝင်ရောက်ဖမ်းဆီး လျက်ရှိကြောင်း၊ အကြမ်းဖက်စစ်ကောင်စီတပ်ဖွဲ့က ဖမ်းဆီးထားသည့် လူငယ် ၄၀ ဦးထက်မနည်း မရှိပြီး ပြန်လည်လွတ်မြောက်လာခြင်းမရှိသေးကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
