ရန်ကုန်၊ စက်တင်ဘာ ၃
မင်းအောင်လှိုင်၏ အမိန့်ဖြင့် ဟံသာဝတီမြို့ဟောင်း၊ ကမ္ဘောဇသာဒီနန်း တော် ၏ကျုံးနှင့်မြို့ရိုးကို ပြန်လည်တူးဖော်ရန် ပဲခူးမြို့ပေါ်ရပ်ကွက် ၅ ခုမှ ပြည်သူပိုင်နေအိမ် ရာပေါင်းများစွာကို ယနေ့ အပြီးဖျက်သိမ်းရန် စစ်တပ်က အမိန့်ပေးလာကြောင်း နေအိမ် အဖျက်ခံရမည့် ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။
အကြမ်းဖက် မင်းအောင်လှိုင်က ဩဂုတ်လ ၃ ရက်နေ့ ပဲခူးသို့ လာရောက်ခဲ့ပြီး ပဲခူးမြို့ရှိ ကမ္ဘောဇသာဒီရွှေနန်းတော်ကြီး ထိန်းသိမ်းထားရှိမှုအခြေအနေကို လာရောက် လေ့လာခဲ့ကြောင်း၊ ဟံသာဝတီမြို့တော်ဟောင်းနေရာကို ပြန် လည် ဖော်ထုတ်ရန်၊ ဟံသာဝတီမြို့ဟောင်း၊ ကမ္ဘောဇသာဒီနန်းတော်၏ကျုံးကိုလည်း တစ်ဆက် တစ်ဆက်တည်းဖြစ်အောင် ဆောင်ရွက်သွားရန် မင်းအောင်လှိုင်က အမိန့်ပေးခဲ့သည်ဟု သိရှိရသည်။
ယင်းသို့ မင်းအောင်လှိုင်က အမိန့်ပေးပြီးနောက် စစ်တပ်နှင့် ပဲခူးတိုင်းအစိုးရက ဟံသာ၀ တီ မြို့ဟောင်း၊ ကျုံးနှင့်မြို့ရိုး ပြန်လည် တူးဖော်ရန် ဆိုရှယ်လစ်ရပ်ကွက်၊ မှော်ကန်ရပ်ကွက်၊ ပုဏ္ဏားစုရပ်ကွက်၊ စင်္ကြာခြံ ရပ်ကွက်၊ အလင်း ရောင်ရပ်ကွက်များအတွင်းမှ နေအိမ်များအားလုံး ယနေ့ စက်တင်ဘာလ ၃ ရက်နေ့ နောက်ဆုံးထား ဖယ်ရှားရှင်းလင်းရန် အမိန့်ပေးလာကြောင်း သိရှိရသည်။
“သူ ဘုရင်ရူး ရူးတာ ကျနော်တို့ ပြည်သူတွေမှာ အိုးမဲ့ အိမ်မဲ့ ဖြစ်ရတော့မယ်။ ဖျက်ရမယ့် အိမ်တွေ အတော်များတယ်။ သူတို့ ဖျက်ချင်တဲ့အခါကျတော့ ကျူး ကျော်ဆိုပြီး အမည် တပ်တာပဲ။ တကယ်တော့ နေလာတာ နှစ်ပေါင်း ၄၀ ၊ ၅၀ လောက်ရှိနေပြီ။ ပုဏ္ဏားစု၊ ဆိုရှယ်လစ်၊ မှော်ကန်၊ စင်္ကြာခြံ၊ အလင်းရောင်ရပ် ကွက်အကုန်ပါတယ်။ အခုက ဒါက ဖျက်ခိုင်းတာ ပထမအသုတ်တဲ့။ နောက် ထပ် တူးဖော်ရေးတွေ လုပ်ရင်းနဲ့ ထပ်ပြီး ဖျက်ခိုင်းမယ့် အိမ်တွေလည်းအများကြီးပဲလို့ပြောတယ်။ စခတွေက မြေတိုင်းတာတွေ လုပ်နေကြတယ်” ဟု ဒေသပြည်သူတစ်ဦးက ပြောဆိုသည်။
ပဲခူးမြို့မှ မြို့ခံ စီးပွားရေးလုပ်ငန်းရှင်တစ်ဦးကမူ စစ်အာဏာရှင် ဆန့်ကျင်ရေး လှုပ်ရှားမှုတွင် ပဲခူးမြို့မှ ပြည်သူများက တက်ကြွစွာ ပါဝင်ခဲ့ကြသည့်အတွက် မင်းအောင်လှိုင်က ယင်း သို့ ပါဝင်မှုအပေါ် မြို့ဟောင်းနှင့်ကျုံး၊ မြို့ရိုးများကို ပြန်လည် တူးဖော်ရေး အ ကြောင်း ပြကာ ပြည်သူများ၏ နေအိမ်များကို အတင်း အဓမ္မ ဖျက်သိမ်းခိုင်းနေခြင်းဖြစ် သည်ဟု သုံးသပ်ပြောဆိုသည်။
“ကျနော်တို့ ပဲခူးက စစ်တပ်ကို ရရာလက်နက်စွဲကိုင်တော်လှန်ခဲ့လို့ တစ်နေ့တည်း လူ ၁၀၀ လောက်တောင် သေခဲ့ရတယ်။ အဲဒီအငြိုးနဲ့ ပဲခူးပြည်သူတွေကို မအလက ပညာပြတာလို့ မြင်တယ်။ ဒီနန်းတော်တွေ ကျုံးတွေက အရေးကြီးလား လက်ရှိ ပြည်သူတွေ နေထိုင်မှု က အရေးကြီးလား” ဟု ပဲခူးမြို့မှ စီး ပွားရေးလုပ်ငန်းရှင်တစ်ဦးက ဆိုသည်။
ပဲခူးမြို့တွင် ၂၀၂၁ ခုနှစ် ဧပြီလ ၉ ရက်နေ့ နံနက် အရုဏ်မတက်မီ မြို့ပေါ်ရှိ ဆန္ဒပြ သပိတ်စခန်းများကို တပ်မ ၇၇ တပ်က ဦး ဆောင်၍ အကြမ်းဖက် ပစ်ခတ် သတ်ဖြတ်နှိမ်နင်းခဲ့ပြီး လူငယ်နှင့် ပြည်သူ ၈၀ ကျော်ထက်မနည်း သေဆုံးခဲ့ရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
