ရှမ်းပြည်နယ်တောင်ပိုင်း၊ ရွာငံမြို့နယ်တွင် မိုးသည်းထန်စွာ ရွာသွန်းမှုကြောင့် စစ်ဘေးရှောင်စခန်းပေါ် မြေပြိုကျပြီး ကလေးငယ်များ အပါအဝင် ပြည်သူ ၁၀ ဦးထက်မနည်း သေဆုံးခဲ့ကြောင်း DSNDA မှ သတင်းနှင့် ပြန်ကြားရေးတာဝန်ခံ ကိုကျားပျံ က ရန်ကုန်ခေတ်သစ်သတင်းဌာနထံသို့ ပြောဆိုသည်။
စက်တင်ဘာလ ၂၄ ရက်နေ့တွင် ရွာငံမြို့နယ်အတွင်း မိုးသည်းထွန်စွာ ရွာသွန်းမှုကြောင့် စစ်ဘေးရှောင်စခန်းတစ်ခုပေါ်ကို တောင်ပြိုကျမှု ဖြစ်ပွားခဲ့ပြီး စစ်ရှောင်ပြည်သူ ၁၀ ဦးထက်မနည်း မြေကြီးထဲ နစ်မြုတ်ပြီး သေဆုံးခဲ့ကြောင်း သိရသည်။
သေဆုံးသူ ၁၀ ဦးသည် ကျောက်တောကျေးရွာမှ စစ်ဘေးရှောင် ပြည်သူများဖြစ်ပြီး အသက် ၆၀ နှစ်အရွယ် ၊ အသက် ၄၅ နှစ်အရွယ် ၊ အသက် ၂၂ နှသ် အရွယ် ၊ အသက် ၁၀ နှစ် အရွယ် ၊ အသက် ၇ နှစ် အရွယ် အမျိုးသား ၅ ဦးနှင့် အသက် ၆၅ နှစ်အရွယ် ၊ အသက် ၄၇ နှစ်အရွယ် ၊ အသက် ၃၆ နှစ်အရွယ် ၊ အသက် ၂၄ နှစ်အရွယ် ၊ အသက် ၁ နှစ်ခွဲအရွယ် အမျိုးသမီး ၅ ဦး သေဆုံးခဲ့ပြီး အသက် ၂၂ နှစ် အရွယ် အမျိုးသား ၁ ဦး၏ ရုပ်အလောင်းတစ်လောင်းကိုသာ ရှာဖွေတွေ့ရှိခဲ့ကြောင်း သိရှိရသည်။
“သေဆုံးသူက အမျိုးသား ၅ ဦးနဲ့ အမျိုသမီး ၅ ဦးပါ။ သေဆုံးသူ အကုန်လုံးက ကျောက်တောကျေးရွာက စစ်ဘေးတိမ်းရှောင်နေရတဲ့ ပြည်သူတွေပါ။ သေဆုံးသူ ၁၀ ဦးရဲ့ အမည်တွေတော့ ထုတ်မပြတော့ပါဘူး” ဟု DSNDA မှ သတင်းနှင့် ပြန်ကြားရေးတာဝန်ခံ ကိုကျားပျံ က ပြောဆိုသည်။
လတ်တလော ရွာငံမြို့နယ်သို့ စက်တင်ဘာလ ၁၃ ရက်နေ့မှ စတင်ပြီး အင်အား ၁၂၀ ခန့်ပါဝင်သော စစ်တပ်ကစစ်ကြောင်းက ကျေးရွာများကိုဝင်ရောက် စစ်ကြောင်းထိုးနေကြောင်း၊ စစ်တပ်က နယ်မြေရှင်းလင်းဟု အကြောင်းပြကာ ရွာငံမြို့နယ်၊ ကျောက်တောရွာမှ နေအိမ် ၂၃ လုံးနှင့် စပါးကျီများကို မီးရှို့ ဖျက်ဆီးခဲ့သဖြင့် ပြည်သူများမှာ လက်ရှိအချိန်အထိ ထွက်ပြေး တိမ်းရှောင်နေရခြင်းဖြစ်ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
