မန္တလေးတိုင်း၊ မြင်းခြံမြို့နယ်၊ ကျောက်ပြုတ်ရွာ ပျူစောထီး အထိုင်စခန်းကို ဝင်ရောက် တိုက်ခိုက်ခဲ့ရာ စစ်တပ်ဘက်မှ ၁၀ ဦးသေဆုံးခဲ့ကြောင်း ပြည်သူ့ ကြယ်တစ်ပွင့်တပ်ဖွဲ့မှ ဗိုလ်မိုက်ခဲက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယမန်နေ့ အောက်တိုဘာလ ၁၂ ရက်နေ့ မြင်းခြံမြို့နယ်၊ ကျောက်ပြုတ်ရွာရှိ ပျူသောထီး အထိုင်စခန်းကို တော်လှန်ရေး တပ်ဖွဲ့များက ဝင်ရောက် တိုက်ခိုက်ခဲ့ခြင်းဖြစ်ကြောင်း သိရသည်။
ထိုထိတွေ့ တိုက်ပွဲသည် ၃ နာရီခန့် ကြာမြင့်ခဲ့ပြီး အကြမ်းဖက် စစ်တပ်ဘက်မှ ၁၀ ဦးသေဆုံးကာ ထိခိုက်ဒဏ်ရာရရှိသူများပြားပြီး အကြမ်းဖက် စစ်သားနှင့် ပျူစောထီးများ ကျောက်ပြုတ်ရွာမှ ပြန်လည် ဆုတ်ခွာသွားကြောင်း၊ တိုက်ပွဲဖြစ်ပွားပြီးနောက် တော် လှန်ရေး ရဲဘော်များလည်း နယ်မြေရှင်းလင်းရေး ပြုလုပ်ကာ ပြန်လည် ဆုတ်ခွာနိုင်ခဲ့ကြောင်း သိရှိရသည်။
“ကျောက်ပြုတ်ကျေးရွာက ပျူစောထီး အထိုင်စခန်းကို ကျနော်တို့ ဝင်ရောက် စီးနင်း တိုက်ခိုက်ခဲ့တာပါ။ တိုက်ပွဲဖြစ်ပွားတာတော့ ၃ နာရီလောက် ကြာမြင့်ခဲ့ပါတယ်။ စစ်ခွေးတွေဘက်ကတော့ ၁၀ ကောင်သေဆုံးတယ်လို့ အတည်ပြုနိုင်ခဲ့ပါတယ်။ ဒဏ်ရာရတာလည်း အရမ်းများတယ်။ ကျနော်တို့ ရဲဘော်တွေတော့ အထိအခိုက်မရှိ ပြန်လည် ဆုတ်ခွာနိုင်ခဲ့ပါတယ်” ဟု ပြည်သူ့ ကြယ်တစ်ပွင့်တပ်ဖွဲ့မှ ဗိုလ်မိုက်ခဲက ပြောဆိုသည်။
အဆိုပါ တိုက်ခိုက်မှုကို ပြည်သူ့ ကြယ်တစ်ပွင့်တပ်ဖွဲ့၊ MGN Danger Dynamites ၊ MGRF PDF တပ်ဖွဲ့ ၊ တာလီဖိုက် PDF တပ်ဖွဲ့ နှင့်မြင်းခြံ ပကဖ တပ်ဖွဲ့တို့ ပူးပေါင်း လုပ်ဆောင်ခဲ့ခြင်း ဖြစ်ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
