မြောက်ဥက္ကလာတွင် စစ်တပ် ရွေးကောက်ပွဲအတွက် ကူညီဆောင်ရွက်ပေးနေသော ရွှေပေါက်ကံမြို့သစ် အုပ်ချုပ်ရေးမှူးရုံးကို ဖောက်ခွဲ မှု အုပ်ချုပ်ရေးမှူးနှင့် ပျူစောထီးများ ထိခိုက်မှုရှိနိုင်

ရန်ကုန်၊ နိုဝင်ဘာ ၂၀

ရန်ကုန်တိုင်း၊ မြောက်ဥက္ကလာမြို့နယ်တွင် အကြမ်းဖက် စစ်တပ် ရွေးကောက်ပွဲအတွက် ကူညီဆောင်ရွက်ပေးနေသော ရွှေပေါက်ကံမြို့သစ် အုပ်ချုပ်ရေးမှူးရုံးကို ဖောက်ခွဲ တိုက်ခိုက်ရာ အုပ်ချုပ်ရေးမှူးနှင့် ပျူစောထီးများ ထိခိုက်မှုရှိကြောင်း Yangon Army မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

နိုဝင်ဘာလ ၁၉ ရက်နေ့ ည ၉ နာရီ ၅၀ မိနစ်ခန့်တွင် မြောက်ဥက္ကလာမြို့ နယ်၌ တရားမ၀င် ရွေးကောက်ပွဲအတွက် အစွမ်းကုန် ကူညီပေးနေသော ရွှေပေါက်ကံမြို့သစ် အုပ်ချုပ်ရေးမှူးရုံးတွင် အုပ်ချုပ်ရေးမှူးနှင့် ပျူစောထီးများ ရောက်ရှိနေချိန် ပြင်းအားမြင့် မိုင်း ၂ လုံး၊ လက်ပစ်ဗုံး ၁ လုံးတို့ဖြင့် တော်လှန်ရေး ရဲဘော်များက ဖောက်ခွဲ တိုက်ခိုက်ခဲ့ကြောင်း သိရသည်။

ထိုဖောက်ခွဲ တိုက်ခိုက်မှုအတွင်း ရွှေပေါက်ကံမြို့သစ် အုပ်ချုပ်ရေးမှူးရုံး၌ ရောက်ရှိနေသော အုပ်ချုပ်ရေးမှူးနှင့် ပျူစောထီးများ ထိခိုက်မှုရှိပြီး အရေအတွက်ကို အတည်ပြုနိုင်ခြင်းမရှိသေးကြောင်း သိရှိရသည်။

“အုပ်ကြီးနဲ့ ပျူစောထီးတွေတော့ ထိဖို့များတယ် မိုင်းခွဲပြီး အသီးနဲ့ပစ်တာဆိုတော့ ထိခိုက်မှုရှိနိုင်ပါတယ်။ စစ်ခွေးပြုလုပ်မယ့် ရွေးကောက်ပွဲကို အတွက် အစွမ်းကုန် ကူညီပေးနေလို့ အဲ့အုပ်ချုပ်ရေးမှူးရုံးကို တိုက်ခိုက်ခဲ့တာပါ” ဟု Yangon Army မှ တာဝန်ရှိသူက ပြောဆိုသည်။

အဆိုပါ တိုက်ခိုက်မှုကို Yangon Army (YA) နှင့် အနောက်ပိုင်းခရိုင်ပကဖတို့ ပူပေါင်း လုပ်ဆောင်ခဲ့ပြီး အကြမ်ဖက် စစ်တပ်နှင့်ပတ်သက်သော ပစ်မှတ်များ၊ အကြမ်းဖက် စစ်တပ်က ပြုလုပ်မည့် တရားမ၀င် ရွေးကောက်ပွဲနှင့် ပတ်သက်ပြီး ပါ၀င်လုပ်ကိုင်နေသူများကို ဆက်လက်၍ အပြင်းအထန် တိုက်ခိုက်သွားမည်ဖြစ်ကြောင်း Yangon Army မှ တာဝန်ရှိသူက ဆက်လက်ပြောဆိုသည်။

ဓာတ်ပုံ – ရန်ကုန်တွင် စစ်ဆေးမှုများလုပ်ဆောင်နေသော အကြမ်းဖက်စစ်တပ် လက်အောက်ခံ ရဲနှင့်စစ်သားများ။ (ပုံအဟောင်းဖြစ်ပါသည်။)

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar