ရန်ကုန်၊ နိုဝင်ဘာ ၂၁
နိုဝင်ဘာလ ၂၀ ရက်နေ့ အမေရိကန်အောက်လွှတ်တော် နိုင်ငံခြားရေးရာ အရှေ့အာရှနှင့် ပစိဖိတ် ဆပ်ကော်မတီ၏ အဆင့်မြင့်အဖွဲ့ဝင် (Ranking Member) နှင့် ဥက္ကဋ္ဌများဖြစ်ကြသော လွှတ်တော်အမတ် ဒေါက်တာ Ami Bera (ဒီမိုကရက်-ကယ်လီဖိုးနီးယား) ၊ လွှတ်တော်အမတ်Young Kim (ရီပတ်ဘလစ်ကန်-ကယ်လီဖိုးနီးယား)၊ တောင်အာရှနှင့် အလယ်အာရှ ဆပ်ကော်မတီ၏ အဆင့်မြင့်အဖွဲ့ဝင်နှင့် ဥက္ကဋ္ဌများဖြစ်ကြသော လွှတ်တော်ကိုယ်စားလှယ် Sydney Kamlager-Dove (ဒီမိုကရက်-ကယ်လီဖိုးနီးယား) နှင့် လွှတ်တော်အမတ် Bill Huizenga (ရီပတ်ဘလစ်ကန်-မစ်ရှီဂန်) တို့က နိုဝင်ဘာလ ၁၉ ရက်နေ့ မြန်မာ့အရေး အကျပ်အတည်းနှင့် ပတ်သက်သည့် ပူးတွဲဆပ်ကော်မတီ ကြားနာပွဲအပြီး ထိုသို့ အမေရိကန်အစိုးရထံသို့ ကြေညာချက် ထုတ်ပြန်တောင်းဆိုလိုက်ကြခြင်းဖြစ်သည်။
“မနေ့က ပြုလုပ်ခဲ့တဲ့ နှစ်ပါတီပူးတွဲ ကြားနာပွဲဟာ လွှတ်တော်အမတ်တွေအနေနဲ့ မြန်မာပြည်သူတွေရဲ့ လွတ်လပ်ရေးနဲ့ ဒီမိုကရေစီအတွက် ရုန်းကန်ကြိုးပမ်းမှုကို ထောက်ခံအားပေးရာမှာ စည်းလုံးညီညွတ်ကြကြောင်း ပြသလိုက်ပါတယ်” ဟု အမေရိကန်လွှတ်တော်အမတ်များက ပြောဆိုသည်။
မြန်မာနိုင်ငံတွင် စစ်တပ်က ပြုလုပ်မည့် ရွေးကောက်ပွဲကို အမေရိကန်အစိုးရက ရှုတ်ချရန်နှင့် အမေရိကန်အစိုးရ၏ မြန်မာ့အရေး အထူးကိုယ်စားလှယ်ခန့်အပ်ရေးကိုလည်း လွှတ်တော်အမတ်များက တောင်းဆိုလိုက်ကြသည်။
“မြန်မာနိုင်ငံအတွက် ငြိမ်းချမ်းပြီး ဒီမိုကရေစီကျတဲ့ အနာဂတ်ကို ပံ့ပိုးကူညီနိုင်ဖို့၊ အာဏာသိမ်းအဖွဲ့ရဲ့ လာမယ့် အယောင်ပြ ရွေးကောက်ပွဲတွေကို အများပြည်သူရှေ့မှောက်မှာ ရှုတ်ချဖို့နဲ့ အကျပ်အတည်းကို ကိုင်တွယ်ဖြေရှင်းရာမှာ အမေရိကန်ရဲ့ ကြိုးပမ်းအားထုတ်မှုတွေကို ဦးဆောင်ဖို့အတွက် မြန်မာနိုင်ငံဆိုင်ရာ အထူးကိုယ်စားလှယ်နှင့် မူဝါဒညှိနှိုင်းရေးမှူးတစ်ဦးကို ခန့်အပ်ဖို့အတွက် ကျွန်တော်တို့ဟာ အစိုးရအဖွဲ့ကို တိုက်တွန်းလိုပါတယ်”ဟု လွှတ်တော်အမတ်က ပူးတွဲ ကြေညာချက်တွင် တောင်းဆိုထားသည်။
ရိုဟင်ဂျာအရေးနှင့်ပတ်သက်၍ ဘင်္ဂလားဒေ့ရှ်နိုင်ငံနှင့်အတူ အခြားနိုင်ငံများ ပူးပေါင်းဆောင်ရွက်ကြရန်၊ ဒီမိုကရေစီအရေးအတွက် ရုန်းကန်နေရသော မြန်မာပြည်သူအားလုံးနှင့်အတူ အမေရိကန်က ရပ်တည်ကြောင်း လွှတ်တော်အမတ်များ၏ ပူးတွဲ ကြေညာချက်တွင် ဖော်ပြထားသည်
“နိုင်ငံတကာအသိုက်အဝန်းအနေနဲ့လည်း မြန်မာနိုင်ငံရှိ လူမျိုးတုံးသတ်ဖြတ်မှုနှင့် ပြည်တွင်းစစ်ကြောင့် ဖြစ်ပေါ်လာတဲ့ ဒုက္ခသည်အရေးအခင်းအပေါ် တုံ့ပြန်မှုများကို ရေရှည်တည်တံ့စေဖို့နဲ့ ပိုမိုတိုးတက်ကောင်းမွန်စေဖို့၊ ရိုဟင်ဂျာတွေကို ကြည်ဖြူစွာ လက်ခံထားတဲ့ ဘင်္ဂလားဒေ့ရှ်နဲ့ အခြားနိုင်ငံတွေနဲ့ ပူးပေါင်းပြီး လုပ်ဆောင်ရပါမယ်။ လွတ်လပ်မှု၊ ဂုဏ်သိက္ခာနှင့် ဒီမိုကရေစီ အနာဂတ်ကို ရှာဖွေနေတဲ့ မြန်မာပြည်သူအားလုံးနဲ့ အမေရိကန်ဟာ ဆက်လက်ရပ်တည်သွားရပါမယ်” ဟု လွှတ်တော်အမတ် ၄ ဦး၏ ကြေညာချက်တွင် ရေးသားထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
