နိုဝင်ဘာလ ၁၈ရက်နေ့ ညနေ ၄နာရီ အချိန် ထိုင်းနိုင်ငံ ဖစ်ဘူရီခရိုင်ရှိ သံစက်ရုံတစ်ခုတွင် အလုပ်လုပ်ကိုင်နေသော အသက် ၂၃ နှစ်အရွယ် ကိုကျော်ဇင်ဝင်းသည် အလုပ်ချိန်အတွင်း ဖော့ကလစ်ကား (forklift) မောင်းစဥ် မတော်တဆဖြစ်ကာ တိမ်းမှောက်၍ ဆုံးပါးခဲ့ကြောင်း၊ အဆိုပါ ဆုံးပါးမှုအတွက် ထိုက်သင့်သည့်ရပိုင်ခွင့်ရရှိရေး ကူညီပေးသွားမည်ဟု 𝐌.𝐇.𝐀.𝐂မဟာမိတ်အဖွဲ့ မှ အမှုနှင့်ပြန်ကြားရေးတာဝန်ခံ Zin က ရန်ကုန်ခေတ်သစ်သတင်းဌာနသို့ ပြောကြားသည်။
“ဆုံးပါးသူရဲ့မိသားစုဝင်တွေက လျော်ကြေးကိစ္စတွေကို ဥပဒေအရသေချာမသိတော့ ကျနော်တို့ကိုပဲ ကိုယ်စားလွယ်လွှဲပြီးသူဌေးနဲ့ စကား ပြောတာက အစကူညီပေးဖို့တောင်းဆိုထားတယ်ပေါ့။ ကျနော်တို့ဘက်ကလည်း ဆုံးပါးမှုနဲ့ပတ်သတ်ပြီး ထိုင်းဘုရင့်နိုင်ငံရဲ့ဥပဒေအတိုင်းအပြည့်အဝရရှိရေးအတွက် ကျန်ရစ်သူမိသားစုဝင်တွေနဲ့တူတူ ရပ်တည်ကူညီပေးသွားမှာပါ”ဟု အမှုနှင့်ပြန်ကြားရေးတာဝန်ခံ Zin က ပြောဆိုသည်။
ထိုင်းနိုင်ငံရှိ လုပ်ငန်းခွင်အတွင်း မတော်တဆမှုဖြင့် ဆုံးပါးသွားသူ ကိုကျော်ဇင်ဝင်းကို နိုဝင်ဘာလ ၂၀ရက်နေ့ တွင် နာရေးသင်္ဂြိုဟ်ခဲ့သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
 တိမ်းမှောက်၍ ကွယ်လွန်သွားကြောင်း){kind=link}