ကြံ့ဖွတ်ပါတီကို မဲပေးရေး မဲဆွယ်နေသည့် သရုပ်ဆောင် နေအောင်က စစ်တပ်အနေဖြင့် တိုင်းပြည်ကို မတည်ငြိမ်အောင် လုပ်သူမှန်သမျှ အကုန်သတ်ရမည်ဖြစ်ကြောင်း ပြည်တွင်း စစ်လော်ဘီတယ်လီဂရမ်ချန်နယ်တစ်ခုသို့ ထုတ်ဖော်ပြောဆိုသည်။
သရုပ်ဆောင်နေအောင်က ၎င်းအနေဖြင့် စစ်သားသားသမီးဖြစ်၍ ယူနီဖောင်းမြင်လျှင်ပင် ချစ်ကြောင်း၊ ကြံ့ဖွတ်ပါတီသည် စစ်တပ်မှ လာသော ပါတီဖြစ်၍ ကြံ့ဖွတ်ပါတီကို ချစ်ခင်ကြောင်း၊ ပါတီမဲဆွယ်စည်းရုံးရေးများတွင် ကြံ့ဖွတ်ပါတီကို ချစ်၍ ကြံ့ဖွတ်အင်္ကျီ၊ ဦးထုပ်ကို မိမိဆန္ဒအရ ဝတ်ဆင်လာခြင်းဖြစ် ကြောင်း၊ စစ်တပ်အနေဖြင့် တိုင်းပြည်ကို မတည်မငြိမ်ဖြစ်အောင် လုပ်သူမှန်သမျှကို အကုန်သတ်ရမည်ဖြစ် ကြောင်း၊ ကြံ့ဖွတ်ပါတီအာဏာရလာပါက တိုင်းပြည်တည်ငြိမ်အေးချမ်းသွားမည်မှာ အသေအချာဖြစ်ကြောင်း ထုတ်ဖော်ပြောဆိုသည်။
“နိုင်ငံရေးအခင်းအကျင်းကတော့ တိုင်းပြည်ကို မတည်ငြိမ်အောင် လုပ်တဲ့ကောင်မှန်သမျှ အကုန်သတ်။ ကျနော်က စစ်သားသားသမီးလေ။ ယူနီဖောင်းမြင်ရင်ချစ်တယ်လေ။ ဆဲတဲ့ကောင်တွေ သေပေါ့။ သေကြပေါ့။ “ကျနော်က ပြည်ထောင်စုကြံ့ခိုင်ရေးနဲ့ဖွံ့ဖြိုးရေးအသင်းကိုချစ်တယ်။ လူများဝတ်ခိုင်းလို့မဟုတ်ဘူး ချစ်လို့ဝတ်တာ။ ကျနော်က နိုင်ငံရေးခံယူချက်မရှိဘူး။ ကျနော်က စောနကပြောသလို ပြည်ခိုင်ဖြိုးသည် come from the military ။ တပ်မတော်က လာတဲ့အဖွဲ့အစည်းများ၊ လူတွေပဲ။ တပ်မတော်မကာကွယ်ရင် အခုဆိုရင် လူတွေ ဘ၀ပျက်ကုန်ပြီ။ နိုင်ငံတကာမှာ တပ်မတော်မရှိတဲ့နိုင်ငံရှိလား” ဟု သရုပ်ဆောင် နေအောင်က ဆိုသည်။
သရုပ်ဆောင် နေအောင်မှာ ရန်ကုန်တိုင်းအတွင်းရှိ ကြံ့ဖွတ်ပါတီ၏ မဲဆွယ်စည်းရုံးပွဲများ၊ ဆိုင်းဘုတ်ဖွင့်ပွဲများတွင် မကြာခဏ ဆိုသလို တက်ရောက်လေ့ရှိပြီး ပွဲတိုင်းတွင် ကြံ့ဖွတ်ပါတီဝတ်စုံကို အပြည့်အစုံ ဝတ်ဆင် မဲဆွယ်လေ့ရှိသည်။
နေအောင်က ကြံ့ဖွတ်ပါတီအတွက် မဲဆွယ်၍ ၎င်းကို ဆဲဆိုလာပါကလည်း ဂရုမစိုက်ကြောင်း၊ လူလူချင်း မကြောက်ဘဲ စင်ပေါ်တွင် တစ်ယောက်ချင်း တွေ့နိုင်ကြောင်း၊ ချောင်း၍ လုပ်ကြံမည်ဆိုလျှင် အခြောက်သာဖြစ်ကြောင်း ပြောဆိုသည်။
ယင်းအပြင် သရုပ်ဆောင် နေအောင်က မွတ်စလင်များသည် ဧည့်သည်များဖြစ်ပြီး အိမ်ရှင်ဖြစ်သူများနှင့်အဆင်ပြေအောင် နေထိုင်ရမည်ဖြစ်ကြောင်း၊ ထိုသို့ မနေလျှင် အဆင်မပြေကြောင်း၊ လာမည့်ရွေးကောက်ပွဲတွင် မည်သူမဆို အ သက် ၁၈ နှစ်ပြည့်ပြီးသူတိုင်း မဲရုံသို့သွား၍ မဲပေးရမည်ဖြစ်ကြောင်း သရုပ် ဆောင် နေအောင်က ပြောဆိုသည်။
ကြံ့ခိုင်ရေးပါတီ သတင်းရင်းမြစ်ကမူ ရုပ်ရှင်သရုပ်ဆောင်များကို မဲဆွယ်စည်း ရုံးမှုတွင် အသုံးပြုနေရာတွင် ရက်ပေါင်း ၆၀ မဲဆွယ်စည်းရုံးပွဲများအတွက် ငွေကြေးတိုက်ရိုက် ပေးချေကြောင်း၊ သက်ဆိုင်ရာ တိုင်းနှင့် မြို့နယ်များအလိုက်လည်း သရုပ်ဆောင်နှင့် အနုပညာရှင်များများကို ခေါ်ယူ ဝန်းရံခိုင်းရန် ဘတ်ဂျက်များ ချထားပေးကြောင်း ပြောဆိုသည်။
“မဲဆွယ်ပွဲနဲ့ ဆိုင်းဘုတ်ဖွင့်ပွဲ တက်ပေးဖို့ ဖိတ်တာမှာ သူတို့အတွက် သွားလာခနဲ့ တက်ရောက်ခ အဲဒါတော့ စီစဉ်ပေးရတယ်။ တစ်ပွဲဘယ်လောက်ဆိုတာမျိုးမဟုတ်ဘူး။ ရက်ပေါင်း ၆၀ မဲဆွယ်ပွဲကာလတစ်ခုလုံး အတွက် တစ်ခါတည်း ငှားလိုက်တာပါ” ဟု ကြံ့ခိုင်ရေးပါတီ သတင်းရင်းမြစ်က ရှင်းပြသည်။
ယင်းအပြင် စစ်တပ်ကလည်း စစ်တပ်ထောက်ခံသော သရုပ်ဆောင်စိုးမြတ်သူဇာ၊ ကျော်ရဲအောင် အပါအဝင် သရုပ်ဆောင်များကို သံချောင်း တင်သွင်းခွင့်သွင်းကုန်ပါမစ်များ ချထားပေးပြီး စစ်တပ်နှင့်ဆိုင်သော ပွဲများသို့ တက်ရောက်ရန် စစ်တပ်က ဖိတ်ကြားကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
