အကြမ်းဖက်စစ်တပ်၏ ရွေးကောက်ပွဲကို ဥရောပသမဂ္ဂက အသိအမှတ်မပြုဘဲ ပယ်ချလိုက်ပြီး သမ္မတဦးဝင်းမြင့်၊ ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားအားလုံးကို လွှတ်ပေးရန် ဥရောပ ပါလီမန်က တောင်းဆိုလိုက်သည်။
စစ်တပ်က လာမည့် ဒီဇင်ဘာလ နှင့် ဇန်နဝါရီ အတွင်း တစ်ဖက်သတ် စီစဉ်ထားသည့် တရားမဝင် ရွေးကောက်ပွဲများကို ပယ်ချကြောင်း၊ ရှင်းလင်းသော ဒီမိုကရေစီ စံနှုန်းများနှင့် အခြေခံ လွတ်လပ်ခွင့်များ ကင်းမဲ့ခြင်း၊ မဲပေးရန် မဖြစ်နိုင်သော အခြေအနေများ၊ ဆက်လက်ဖြစ်ပွားနေသော နှိပ်စက်ဖိနှိပ်မှု၊ အစုလိုက်အပြုံလိုက် နေရာရွှေ့ပြောင်းခံရမှုနှင့် နိုင်ငံရေးဆိုင်ရာ ဆွေးနွေးမှုများ လုံးဝမရှိခြင်းတို့ကြောင့် စစ်အာဏာရှင်အဖွဲ့၏ လက်ရှိလုပ်ဆောင်မှုများမှာ တရားမဝင်ကြောင်း ဥရောပသမဂ္ဂပါလီမန်က ကြေညာသည်။
ရွေးကောက်ပွဲက စစ်အာဏာသိမ်းမှုကို တရားဝင်မှု ဖန်တီးရန် စစ်အာဏာရှင်အဖွဲ့၏ လှည့်ဖြားမှုကို ဖော်ပြနေကြောင်း၊ အပြည်ပြည်ဆိုင်ရာ တရားဝင်မှု၊ အာဏာကို ပြန်လည်ယူဆောင်ရန်နှင့် တရားဝင်ရွေးကောက်ခံ အရပ်သားအစိုးရကို ပြန်လည်ထူထောင်ရန် လိုအပ်ကြောင်း ၊ထို့ကြောင့် စစ်တပ်၏ တရားမဝင် ရွေးကောက်ပွဲများကို ပယ်ချကြောင်း ဥရောပသမဂ္ဂပါလီမန်က ဆိုသည်။
နိုင်ငံရေးနှင့် လူမှုရေး ဖိနှိပ်မှုများ ထင်ရှားစွာ ကျူးလွန်နေသည့် နိုင်ငံရေးပါတီ မှတ်ပုံတင်ခြင်း ဥပဒေ နှင့် မျိုးစုံသော ရွေးကောက်ပွဲများဆိုင်ရာ ဥပဒေ ကို ပြစ်တင်ရှုတ်ချလိုက်ပြီး ပြန်လည် ရုပ်သိမ်းရန် ဥရောပသမဂ္ဂက တောင်းဆိုသည်။
ယင်းအပြင် သမ္မတ ဦးဝင်းမြင့် နှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် မတရား စွဲဆိုထားသော သို့မဟုတ် နိုင်ငံရေးရည်ရွယ် ချက်ဖြင့် စွဲဆိုထားသော စွပ်စွဲချက်များဖြင့် အကျဉ်းချခံထားရသည့် ရွေး ကောက် ခံ အရာရှိများနှင့် ခေါင်းဆောင်များအားလုံးကို ချက်ချင်းနှင့် အခြေ အနေမရှိဘဲ လွှတ်ပေးရန် တောင်းဆိုသည်။
ဥရောပသမဂ္ဂအနေဖြင့် တရားဝင်ရွေးကောက်ခံ ကိုယ်စားလှယ်များဖြစ်သော အမျိုးသားညီညွတ်ရေးအစိုးရ (NUG) နှင့် ၎င်းတို့ကို ထောက်ခံသော ပြည် ထောင်စုလွှတ်တော် ကိုယ်စားပြုကော်မတီ (CRPH) အဖွဲ့တို့ကို အသိအမှတ်ပြုထားကြောင်း ထပ်လောင်း ကြေညာလိုက်သည်။
အကြမ်းဖက်မှု ကျူးလွန်သူများကို တရားဥပဒေအရ စစ်ဆေးအရေးယူနိုင်ရေးအတွက် စစ်တပ်နှင့်ကျူးလွန်ခဲ့သည့် ကြီးလေးသော ချိုးဖောက်မှုများအားလုံးကို လွတ်လပ်သော၊ ခိုင်မာသောနှင့် ပွင့်လင်းမြင်သာသော စုံစမ်းစစ်ဆေးမှုများ ပြုလုပ်ရန် တောင်းဆိုကြောင်း၊ စစ်အာဏာရှင်အဖွဲ့၏ မြန်မာပြည်သူများအပေါ် ဆက်လက်ကျူးလွန်နေသော အကြမ်းဖက်မှုများနှင့် အစုလိုက်အပြုံလိုက် နေရာရွှေ့ပြောင်းနေထိုင်မှုများကို ပြစ်တင်ရှုတ်ချကြောင်း ဥရောပသမဂ္ဂက ကြေညာထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
