စစ်ဘေးသင့် မြန်မာနိုင်ငံတွင် ဘိန်းစိုက်ပျိုးမှု ၁၀ နှစ်အတွင်း အမြင့်ဆုံး ရောက်ရှိလာပြီး မှောင်ခိုလုပ်ငန်းအမျိုးမျိုး စုဝေးရာ ဗဟိုချက်ဖြစ်လာ၊ ကမ္ဘာ့ဘိန်းစိုက်ပျိုးမှု နံပါတ် ၁ နိုင်ငံအဖြစ် မြန်မာ နိုင်ငံက ဆက်လက်ရပ်တည်

ရန်ကုန်၊ ဒီဇင်ဘာ ၃

စစ်ဘေးသင့် မြန်မာနိုင်ငံတွင် ဘိန်းစိုက်ပျိုးမှု ၁၀ နှစ်အတွင်း အမြင့်ဆုံးသို့ ရောက်ရှိလာကြောင်း ကုလသမဂ္ဂ၏ ထုတ်ပြန်ချက်အရ သိရှိရသည်။

ကုလသမဂ္ဂ၏ ယနေ့ ဗုဒ္ဓဟူးနေ့ ထုတ်ပြန်ချက်အရ မြန်မာနိုင်ငံ၏ ဘိန်းစိုက်ပျိုးမှုသည် ၁၀ နှစ်တာကာလအတွင်း စံချိန်တင် အမြင့်ဆုံးသို့ ရောက်ရှိခဲ့ပြီး ထွက်ရှိလာသည့် ဘိန်းဖြူ (Heroin) ကို အနောက်နိုင်ငံဈေးကွက်များသို့ ကူးသန်းရောင်းဝယ်နေသည့် အစောပိုင်းလက္ခဏာများ တွေ့ရှိနေရကြောင်း သိရသည်။

စစ်ဒဏ်သင့်နေသော မြန်မာနိုင်ငံမှာ တရားမဝင် သတ္တုတူးဖော်ခြင်းမှသည် ကျားဖြန့် လိမ်လည်မှုများအထိ၊ မက်သာအမ်ဖက်တမင်းနှင့် ဘိန်းဖြူကဲ့သို့ တရားမဝင် မူးယစ်ဆေးဝါးများ ထုတ်လုပ်ခြင်းအထိ အမျိုးမျိုးသော မှောင်ခိုလုပ်ငန်းများ စုဝေးရာ ဗဟိုချက် ဖြစ်လာနေကြောင်း ၊ မြန်မာနိုင်ငံသည် ကမ္ဘာ့ထိပ်တန်း ဘိန်းစိုက်ပျိုးထုတ်လုပ်သူများထဲတွင် အချိန်ကြာမြင့်စွာ ပါဝင်ခဲ့ပြီး၊ ၂၀၂၂ ခုနှစ်တွင် အာဖဂန်နစ္စတန်၌ တာလီဘန်အစိုးရမှ ဘိန်းလုပ်ငန်းကို နှိမ်နင်းပြီးနောက် ကမ္ဘာ့အဆင့် ၁ နေရာကို ရယူခဲ့ကြောင်း သိရှိရသည်။

၂၀၂၁ ခုနှစ် စစ်တပ်အာဏာသိမ်းပြီးနောက် မြန်မာနိုင်ငံတွင် ဖြစ်ပွားနေသော ပြည်တွင်းစစ်အတွက် ရန်ပုံငွေထောက်ပံ့ပေးရာ၌ တရားမဝင်လုပ်ငန်းများသည် အဓိကဝင်ငွေရင်းမြစ်များ ဖြစ်လာကြောင်း၊ ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာ ရုံး (UNODC) ၏ အစီရင်ခံစာအရ ယခုနှစ်တွင် မြန်မာနိုင်ငံမြေပေါ်၌ ဘိန်းစိုက်ပျိုးသည့် ဧကမှာ ဟက်တာ ၅၃,၀၀၀ ကျော် (၁၃၁,၀၀၀ ဧက) ကျော်လွန်ခဲ့ပြီး၊ ၂၀၁၅ ခုနှစ်နောက်ပိုင်းတွင် အကြီးဆုံးနယ်မြေအဖြစ် မှတ်တမ်းတင်ခဲ့ကြောင်း သိရှိရသည်။

UNODC အေဂျင်စီ၏ နှစ်စဉ်ထုတ်ပြန်သော မြန်မာ့ဘိန်းစိုက်ပျိုးမှုစစ်တမ်းတွင် အာဖဂန်နစ္စတန်တွင် ဘိန်းနှိမ်နင်းမှုများ ပြုလုပ်ပြီးနောက် အရှေ့တောင်အာရှမှ ကူးသန်းရောင်းဝယ်သော ဘိန်းဖြူများမှာ ဈေးကွက်သစ်များသို့ ရောက်ရှိလာသည့် လက္ခဏာများ ပေါ်ထွက်နေကြောင်း သိရှိရသည်။

၂၀၂၄ ခုနှစ်နှင့် ၂၀၂၅ ခုနှစ်အစောပိုင်းတွင် ထိုင်းနိုင်ငံမှ ဥရောပသမဂ္ဂသို့ လေကြောင်းခရီးဖြင့် သွားလာသည့် ခရီးသည်များထံမှ မြန်မာနိုင်ငံမူရင်းဖြစ်သည်ဟု သံသယရှိရသော ဘိန်းဖြူ စုစုပေါင်း ၆၀ ကီလိုဂရမ် (၁၃၂ ပေါင်) ဖမ်းဆီးရမိကြောင်း သိရှိရသည်။

ယင်းပမာဏသည် “သိသာထင်ရှားသည့် အတိုင်းအတာမဟုတ်သေးသော်လည်း၊ ပြောင်းလဲသွားသော ပတ်ဝန်းကျင်က မြန်မာနိုင်ငံတွင် ဘိန်းစိုက်ပျိုးခြင်းနှင့် ထုတ်လုပ်ခြင်းကို ပိုမိုအားပေးနိုင်ကြောင်း သုံးသပ်ထားသည်။

မြန်မာနိုင်ငံတွင် ပြည်တွင်းစစ်မဖြစ်ပွားမီကပင် ဘိန်းကို ကျယ်ပြန့်စွာ စိုက်ပျိုးခဲ့ကြပြီး စစ်ပွဲကြောင့် မှောင်ခိုဈေးကွက်များ ပိုမိုအားကောင်းလာကြောင်း၊ ဗဟိုအစိုးရ အားနည်းလာခြင်း၊ တိုက်ပွဲများကြောင့် စက်မှုလုပ်ငန်း အခြေခံအဆောက်အအုံများ ပျက်စီးသွားခြင်းနှင့် ဆင်းရဲမွဲတေမှု မြင့်တက်လာခြင်းတို့ကြောင့် စိတ်အားငယ်မှုများ တိုးလာနေကြောင်း သိရှိရသည်။

UNODC အစီရင်ခံစာတွင် မတည်မငြိမ်ဖြစ်မှုက လယ်သမားများကို ဘိန်းစိုက်ပျိုးခြင်းဆီသို့ တွန်းပို့နေသော်လည်း “ပြင်းထန်လာသော ပဋိပက္ခနှင့် မလုံခြုံမှုများကြောင့် ၎င်းတို့၏ စိုက်ခင်းများကို ဂရုစိုက်ရန် ပိုမိုခက်ခဲလာသည်” ဟု ဖော်ပြထားသည်။

စစ်ပွဲအတွင်း လယ်သမားများနှင့် လက်နက်ကိုင်အဖွဲ့များ နှစ်ဖက်စလုံး ဝင်ငွေရှာနိုင်သည့် နည်းလမ်းများထဲမှ တစ်ခုမှာ ဘိန်းစိုက်ပျိုးခြင်းဖြစ်ကြောင်း၊ ဘိန်းစိုက်ခင်းများသည် ၂၀၂၄ ခုနှစ်မှစ၍ ၁၇ ရာခိုင်နှုန်း တိုးလာသော်လည်း ယခုနှစ်ထွက်ရှိသော အထွက်နှုန်းမှာ တန် ၁,၀၀၀ ခန့်ဖြင့် ယေဘူယျအားဖြင့် အပြောင်းအလဲမရှိ ဖြစ်နေကြောင်း UNODC အစီရင်ခံစာက မှတ်ချက်ပြုထားသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar