ရုပ်ရှင်အစည်းအရုံးဥက္ကဋ္ဌ ရာထူးအတွက် စစ်တပ်ဘက်တော်သား ရန်အောင်နှင့် ခန့်စည်သူတို့ အရွေး ချယ်ခံကြမည်ဖြစ်သော် လည်း မင်းအောင်လှိုင် မိန်းမ ကြူကြူလှကြောင့် ခန့်စည်သူ ဥက္ကဋ္ဌ ဖြစ်လာနိုင်ခြေများနေဟုဆို

ရန်ကုန်၊ ဒီဇင်ဘာ ၁၅

အကြမ်းဖက်စစ်တပ်၏ လက်ကိုင်တုတ် တစ်ခုဖြစ်လာသော ရုပ်ရှင်အစည်းအရုံးဥက္ကဋ္ဌ ရာထူးအတွက် စစ်တပ်ဘက်တော်သား ရန်အောင်နှင့် ခန့်စည်သူတို့ ယှဉ်ပြိုင် အရွေးချယ်ခံကြမည်ဖြစ်ကြောင်း ရုပ်ရှင်အသိုင်းအ၀ိုင်းထံမှ သိရှိရသည်။

၂၀၂၁ ခုနှစ် စစ်အာဏာသိမ်းစအချိန်က ရုပ်ရှင်အစည်းအရုံး ဥက္ကဋ္ဌ အဖြစ် လုပ်ခဲ့သော ခန့်စည်သူမှာ ကန့်ကွက်မှုများကြောင့် ၁ ပတ် အကြာတွင် ရာထူးမှ ဆင်းပေးခဲ့ရပြီးနောက် ယခုရုပ်ရှင်အစည်းအရုံး ဥက္ကဋ္ဌ ရာထူးနေရာအတွက် ပြန်လည် ယှဉ်ပြိုင်အရွေးချယ်ခံရန် ကြိုစားလာခြင်းဖြစ်ကြောင်း သိရှိရသည်။

လက်ရှိတွင် ခန့်စည်သူမှာ မင်းအောင်လှိုင်၏ မိန်းမ ကြူကြူလှ အချစ်တော် တစ်ဦးဖြစ်နေပြီး စစ်တပ်ခန့် ပြန်ကြားရေးဝန်ကြီးဆိုသူ မောင်မောင်အုန်းနှင့်လည်း အဆင်ပြေသောကြောင့် ရုပ်ရှင်အစည်းအရုံး ဥက္ကဋ္ဌ သစ်ဖြစ်လာနိုင်ခြေများကြောင်း သုံးသပ်နေကြသည်။

ရုပ်ရှင်အစည်းအရုံးဥက္ကဋ္ဌ နေရာရာထူးမှာ ရုပ်ရှင် လောက ဖွံ့ဖြိုးတိုးတက်ရေး ဆိုသော ခေါင်းစဉ်ထက် စစ်တပ်လက်အောက်တွင် အဓိကအားဖြင့် အနုပညာရှင်များနှင့် စစ်တပ်အကြား ချိတ်ဆက် ဆက်သွယ်ပေးရသော နေရာတစ်ခု အသွင်ဆောင်လာပြီး စစ်တပ်ထံမှ လုပ်ပိုင်ခွင့်များ၊ ပါမစ်များ ရရှိတောင်းခံနိုင်သော နေရာတစ်ခုအဖြစ် ရှိလာကြောင်း ရုပ်ရှင်အသိုင်းအ၀ိုင်းက ဆိုကြသည်။

“လာမယ့် ဖေဖဝါရီလမှာ အကယ်ဒမီ ပေးပွဲလုပ်မယ်။ အဲဒီမှာ ဥက္ကဋ္ဌနေရာကို ခန့်စည်သူရရင် ပြန်/ဝန်မောင်မောင်အုန်းနဲ့ လုပ်ကွက်ဖော်ဖို့ရှိတယ်။ အကယ်ဒမီ ပေးပွဲကလည်း ခေတ်အဆက်အဆက်အဆိုး ဆုံး အခြေအနေရောက်နေတယ်။ စစ်တပ်နဲ့ စစ်တပ်စိတ်ကြိုက် လုပ်ပေးမယ့်သူတွေကိုသာမောင် မောင်အုန်းစိတ်ကြိုက် ရွေးချယ်ပြီး အကယ်ဒမီ ပေးလာနိုင်တယ်” ဟု ရုပ်ရှင်အသိုင်းအ၀ိုင်းမှ သတင်းရင်းမြစ်က ဆို သည်။

ရုပ်ရှင်အစည်အရုံး အောက်တွင် တိုင်းနှင့် ပြည်နယ် ဗီဒီယို အခြေခံအဖွဲ့များရှိနေပြီး အဆိုပါ အခြေခံအဖွဲ့တွေ ရုံးဖွင့်ရန် အတွက် ယခငအစိုးရများလက်ထက် အိမ်နှင့်မြေကွက်များရရှိခဲ့ကြောင်း၊ ယခုအခါ အဆိုပါ မြေကွက်များကို ရုပ်ရှင်အစည်းအရုံးက ပြန်လည်ရောင်းစားကာ ငွေဖော်နေကြကြောင်း၊ ဉပမာ အားဖြင့် သိန်း ၁၀၀၀ တန်သည့် နေရာကို သိန်း ၁၀၀ ဖြင့် အရောင်းပြပြီး ကျန်သည့် သိန်း ၉၀၀ ကို ရုပ်ရှင်အစည်းအရုံးက ဖြတ်ယူကာ လျှင်သူစားစတမ်း လုပ်ဆောင်နေကြကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar