ရခိုင်ပြည်နယ်၊ စစ်တွေမြို့ ခလရ ၂၃၂ တပ်ရင်းဂိတ်တွင် အကြမ်းဖက် စစ်သား ၂ ဦး စကားများ ရန်ဖြစ်ရာမှ လက်ပစ်ဗုံးဖြင့် ပစ်ခတ်စဉ် ၂ ဦးလုံး ဗုံးစထိမှန်ပြီး သေဆုံးခဲ့ကြောင်း တပ်တွင်း သတင်းရင်းမြစ်ကို ကိုးကား၍ CDM ဗိုလ်ကြီးဇင်ယော်က ရန်ကုန်ခေတ်သစ်သတင်းဌာနထံသို့ ပြောဆိုသည်။
မကြာသေးမီ ယခုဇန်နဝါရီလအတွင်း စစ်တွေမြို့ အခြေစိုက် ခလရ ၂၃၂ တပ်ရင်းရှိ ဂိတ် ၂ တွင် ခွဲတပ်ကြပ်ကြီး စံဝင်းနှင့် တပ် ကြပ် ပြည့်စုံအောင် တို့ ၂ ဦး အရက်သောက်ပြီး စကားများ ရန်ဖြစ်ခဲ့ကြောင်း၊ ထိုသို့ စကားများ ရန်ဖြစ်ရာမှ တပ်ကြပ် ပြည့်စုံအောင်က လက်ပစ်ဗုံးထုတ်၍ ပစ်ခတ်ရာမှ ၂ ဦးလုံး ဗုံးစ ထိမှန်ပြီး သေဆုံးခဲ့ကြောင်း သိရသည်။
သေဆုံးသွားသော တပ်ကြပ်ကြီး ၂ ဦးသည် ရှမ်းပြည်နယ် မြောက်ပိုင်း ၁၀၂၇ စစ်ဆင်ရေးအတွင်း ထွက်ပြေးသွားသူများဖြစ်ပြီး စေတုတ္တရာမြို့နယ်တွင် တာဝန်ကျနေရာမှ စစ်တွေမြို့သို့ ပြောင်းရွှေ့လာရသူများဖြစ်ကြောင်း၊ တပ်ကြပ်ကြီး ပြည့်စုံအောင်သည် မိုးကုတ်မြို့ ဇာတိဖြစ်ကြောင်း သိရှိရသည်။
“ဂိတ် ၂ မှာတင် ခွဲတပ်ကြပ်ကြီး စံဝင်းနဲ့ တပ်ကြပ် ပြည့်စုံအောင်တို့ မူးပြီး စကားများကြတယ်။ အဲလိုစကားများကြရင်းနဲ့ လက် ပစ်ဗုံးနဲ့ တပ်ကြပ် ပြည့်စုံအောင်က ပစ်လိုက်တာ ၂ ယောက်လုံး ဗုံးစထိမှန်ပြီး သေဆုံးတယ်။ အဲဒီ ၂ ယောက်က ၁၀၂၇ စတော့ သူတို့တွေ ထွက်ပြေးသွားရတာရှိတယ်။ ထွက်ပြေးပြီးမှ မကွေးကို ရောက်သွားတာ။ မကွေးတိုင်းထဲ စေတုတ္တရာမြို့နယ်ထဲ ရောက်သွားတာ။ အဲဒီကနေ သူတို့က သေကံမရောက်သက်မပျောက်ဆိုပြီး ပြန်လာတာ” ဟု CDM ဗိုလ်ကြီးဇင်ယော်က ပြောဆိုသည်။
ထိုဖြစ်စဉ်ကို တပ်ရင်းမှူးများက သတင်းဖုံးရန် လုပ်ဆောင်နေသော်လည်း တိုင်းမှူးနှင့် ဒကစ မှူးများ ရောက်ရှိနေသောကြောင့် သတင်းဖုံးမရဘဲ AA က လက်ပစ်ဗုံးဖြင့် လာရောက် ပစ်ခတ် တိုက်ခိုက်သည်ဟု သတင်းလိမ်လည်ခဲ့ကြောင်း သိရှိရသည်။
ထို့ပြင် စစ်တွေမြို့အနီးတွင် တိုက်ပွဲများ နေ့စဉ် ဖြစ်ပွားနေခြင်းကြောင့် ခလရ ၂၃၂ တပ် ရင်း၊ ခမရ ၃၄၄ တပ်ရင်းနှင့် စနခ ၃၄၃ တို့တွင် အကြမ်းဖက် စစ်တပ်က တပ်ဖြန့်၍ တိုက် ပွဲဝင်ရန် အသင့်ပြင်ဆင်ထားကြောင်း၊ AA ကလည်း စစ်တွေမြို့ အနီးကို တကျော့ပြန် ထိုးစစ်ဆင် တိုက်ခိုက်နေကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
