ရန်ကုန်၊ မတ် ၈
မန္တလေးတိုင်း၊ သပိတ်ကျင်းမြို့နယ်၊ တကောင်းမြို့သို့ ဦးတည် စစ်ကြောင်းထိုးလာသော စစ်တပ်ကို အမျိုးသားညီညွတ်ရေးအစိုးရ-NUG လက်အောက်ရှိ တပ်ရင်းများနှင့်အတူ မဟာမိတ်တပ်တချို့ကလည်း ပူးပေါင်း ခုခံတိုက်ခိုက်လျက်ရှိကြောင်း ဗမာလွတ်မြောက်ရေး ဒီမိုကရက်တစ် တပ်ဦးမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
စစ်တပ်က ၂၀၂၅ ခုနှစ်၊ ဇူလိုင်လ ၂၃ ရက်နေ့ သပိတ်ကျင်းမြို့ကို သိမ်းပိုက်ထိန်းချုပ်ပြီးနောက် တကောင်းမြို့သို့ ဦးတည်၍ စစ် ကြောင်းထိုးလာနေကြောင်း၊ ယခုနှစ် မတ်လ ၆ ရက်နေ့ ရေယာဉ်ကျေးရွာကို ရောက်ရှိနေပြီး တကောင်းမြို့ကို ပြန်လည်သိမ်းပိုက်နိုင်ရေးအတွက် ဆက်လက်စစ်ကြောင်းထိုးလျက် ရှိကြောင်း၊ ယင်းစစ်တပ်စစ်ကြောင်း ကို NUG အစိုးရ၊ ကာကွယ်ရေးဝန်ကြီး ဌာနလက်အောက်ရှိ တပ်ရင်းတပ်ဖွဲ့များနှင့်အတူ ဗမာလွတ် မြောက်ရေး ဒီမိုကရက်တစ်တပ်ဦးက ပါဝင်ခုခံတိုက်ခိုက်လျက် ရှိကြောင်း သိရသည်။
“စစ်ရေးအခြေအနေကတော့ ပြောပြလို့ မရသေးပါဘူး။ ကျနော်တို့က MOD နဲ့တွဲတိုက်နေတာပါ။ စစ် ရေးအခြေအနေ အရပ်ရပ်ကို MOD ကပဲ ထုတ်ပြန်ပါလိမ့်မယ်” ဟု ဗမာလွတ်မြောက်ရေး ဒီမိုကရက် တစ်တပ်ဦးမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
တကောင်းမြို့မှာ လမ်းပန်းဆက်သွယ်ရေး၊ စစ်ရေးအချက်အချာကျသည့် မန္တလေးတိုင်းအတွင်း တော်လှန်ရေးအင်အင်အားစုများ ထိန်းချုပ်ထားသော နောက်ဆုံးလက်ကျန်မြို့ဖြစ်ကြောင်း၊ ထို့ ကြောင့် တကောင်းရှေ့တန်းစစ်မြေပြင်တွင် ဗမာလွတ်မြောက်ရေး ဒီမိုကရက်တစ်တပ်ဦးမှ ရဲဘော် များ တိုက်ပွဲဝင်လျက်ရှိပြီး နောက်မှ ရှေ့တန်းသို့ ထွက်ခွာမည့်ရဲဘော်များအနေဖြင့်လည်း ကြိုတင် လေ့ကျင့်ပြင်ဆင်လျက်ရှိကြောင်း သိရှိရသည်။
စစ်တပ်က တကောင်းမြို့ကို ပြန်လည်ထိန်းချုပ်နိုင်ရေးအတွက် စစ်တပ်က အင်အား ထောင်ချီအသုံး ပြုကာ ဒရုန်း၊ ၁၂၀ မမ လက်နက်ကြီး၊ ဟောင်ဝှစ်ဇာလက်နက်ကြီးတို့ကို အလွန်အကျွံအသုံးပြုကာ စစ်ကြောင်းထိုးနေခြင်းဖြစ်ပြီးပြည်သူ တစ်သိန်းကျော် စစ်ဘေးရှောင်နေရကြောင်း သိရ သည်။
