ရန်ကုန်၊ ဧပြီ ၅
ယာယီသမ္မတ မင်းအောင်လှိုင်ဦးဆောင်သော အစိုးရအဖွဲ့ဟောင်းက သမ္မတအသစ် မင်းအောင်လှိုင် ဦးဆောင်သော အစိုးရသစ်ထံသို့ အာဏာလွှဲပြောင်းပွဲ ကျင်းပ ပြုလုပ်ရန်စီစဉ်နေကြောင်း နေပြည် တော် စစ်ဘက်သတင်းရင်းမြစ်က ပြောဆိုသည်။
“သမ္မတ အိမ်တော်မှာ အစိုးရအာဏာလွှဲပြောင်းပွဲ လုပ်ဖို့ ပြင်ဆင်နေပြီ။ ပြည်ထောင်စုလွှတ်တော်မှာ ကျမ်းသစ္စာကျိန်ဆိုပွဲပြီးမှ သမ္မတအိမ်တော်မှာ အာဏာလွှဲပြောင်းပွဲလုပ်မှာ။ သမ္မတအဆောင် အယောင် ရွှေစလွယ်တွေနဲ့ တရားဝင် အာဏာလွှဲပြောင်းရယူမယ်” ဟု နေပြည်တော်စစ်ဘက်သတင်းရင်းမြစ်က ပြောဆိုသည်။
သမ္မတနှင့်အစိုးရအာဏာလွှဲပြောင်းပွဲပြီးစီးပါက မင်းအောင်လှိုင်က အစိုးရအဖွဲ့ ဖွဲ့စည်းရန် ကြေညာရန်ရှိနေပြီး အခြားသော နိုင်ငံရေးပါတီများမှ ပါတီခေါင်း ဆောင်များကို ဝန်ကြီး၊ ဒုဝန်ကြီး အပါအဝင် နိုင်ငံရေးရာထူးများ ပေးအပ်မည်ဟု သိရှိထားကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။
“တစ်ပြည်လုံးဝင်ပြိုင်တဲ့ နိုင်ငံရေးပါတီတွေက သူတွေကိုလည်း နိုင်ငံရေးရာထူးပေးမယ်လို့ သိရတယ်။ အစိုးရအဖွဲ့မှာ လူဟောင်းတွေလည်း ပြန်ပါမယ်။ လူသစ်တွေကတော့ အခြားနိုင်ငံရေးပါတီက ပုဂ္ဂိုလ်တွေ ပြန်ပါမယ်လို့ သိရတယ်” ဟု နေပြည်တော်စစ်ဘက်သတင်းရင်းမြစ်က ပြောဆိုသည်။
ကြံ့ဖွတ်ပါတီ ကြီးစိုးထားသော အကြမ်းဖက် လွှတ်တော်က မင်းအောင်လှိုင်ကို အကြမ်းဖက်သမ္မတ၊ ညိုစောကို ဒုသမ္မတ ၁ နှင့် နန်းနီနီအေးကို ဒုတိယသမ္မတ ၂ အဖြစ် ဧပြီလ ၃ ရက်နေ့ ရွေးချယ် တင်မြှောက်ထားသည်။
