ဒေါ်အောင်ဆန်းစုကြည် မွေးနေ့အလှူအဖြစ် ကျောင်းသုံးထောက်ကူပစ္စည်းများ၊ မိုးကာများ၊ ဆိုလာနှင့် ရေကန်များလှူဒါန်း
ရန်ကုန်၊ ဇွန် ၁၈
စစ်ကိုင်းတိုင်းအတွင်း S&C မီးဘေးစစ်ဘေးပညာရေးကူညီစောင့်ရှောက်ရေးအဖွဲ့မှ ဒေါ်အောင်ဆန်းစုကြည်မွေးနေ့အလှူအဖြစ် ၁၇ ရက်နေ့မှ ၁၉ ရက်နေ့အထိလှူဒါန်းမှုများ ပြုလုပ်နေပြီး ယနေ့ ဇွန် ၁၈ ရက်နေ့တွင် မီးဘေးသင့်ကျောင်းသားကျောင်းသူ ၁၃ ဦး အတွက် ကျောင်းသုံးသင်ထောက်ကူပစ္စည်းများ၊ ဒီပဲယင်းမြို့နယ် မိုခါ မုန်တိုင်းကြောင့်ဆုံးရှုံးမှုခံခဲ့ရသော တောင်သူဦးကြီးများအတွက် အိမ်ထောင်စု ၁၅၉ စု အတွက် မိုးကာများ၊ နွေဦးတွဲလက်များဟု အမည်ပေးထားသည့် စစ်ဘေးသင့်ပြည်သူတွေအတွက် ရေကန် လှူဒါန်းခဲ့ကြသည်။
ထို့ပြင် ရွှေဘိုခရိုင်,ဒီပဲယင်းမြို့နယ်အတွင်းရှိစစ်ဘေးသင့်မီးရှို့ခံခဲ့ရသည့် ကျေးရွာနေပြည်သူများအတွက် Solar Power Station စုစုပေါင်း ၂၁ စုံကိုလည်း ဇွန်လ ၁၈ ရက်နေ့တွင် ဒေါ်အောင်စုကြည်မွေးနေ့အလှူအဖြစ် လှူဒါန်းခဲ့ကြသည်။
